Munaasabad lagu saggootinayey Arday Deeq Waxbarasho ka helay dalka Masar oo Muqdisho lagu qabtay “Sawrrio”

Magaaladda Muqdisho ee caasimadda dalka ayaa maanta lagu qabtay munaasabad lagu saggootinayay 57 arday oo deeq waxbarasho ka helay dalka masar.

Munaasabadda ayaa waxaa ka qeyb galay Agaasimaha Guud ee wasaaradda waxbarashada Hiddaha iyo tacliinta sare XFS, Axmed Yuusuf Xasan , Agaasimaha tacliinta sare ee wasaaradda waxbarashada Cismaaciil Yuusuf Cismaan ,xildhibaano iyo marti sharaf kale.

Agaasimaha tacliinta sare ee wasaaradda waxbarashada Soomaaliya Cismaaciil Yuusuf Cismaan ayaa ardayda deeqda waxbarasho ka helay dalka masar kula dardaarmay inay ka faa’ideystan fursada ay heleen, Islamarkaana ay u diyaar garoobaan in ay hormariyaan waxbarashadooda.

Agaasimaha Guud ee wasaaradda waxbarashada XFS,mudane Axmed Yuusuf Xasan ayaa tilmaamay in dawladda federaalka Soomaaliya ay dadaal ugu jirto siddii ardeyda Soomaaliyeed ay u heli la hayeen deeq waxbarasho oo dalka dibadiisa

Agaasimaha Guud ayaa sheegay in wasaaradda waxbarashada ay ka go’antahay kor uqaadista tacliinta ardayda Soomaaliyeed, isagoo ardeyda kula dardaarmay in ay masuuliyad gaar ah ay iska saaraan sidii ay u gaari lahaayeen hamigooda waxbarasho ee ku aadan kamira dhalinta deeqaha waxbarasho oo ay ka heleen dalka masar.

Wasaaradda waxbarashada xukuumadda federaalka Soomaaliya ayaa dadaal ugu jirta sidii ardayda Soomaaliyeed ay deeqo waxbarasho ugu heli lahaayeen dalka dibadiisa.

 

LEAVE A REPLY

Please enter your comment!
Please enter your name here