Munaasabad Lagu Soo Bandhigayay Dhibatoyinka Deegaanka Soomaaliya oo Nairobi Lagu Qabtay”Sawirro”

1674

Munaasabadan oo lagu soo bandhigayay daraasad laga soo diyaariyay saameynta uu is bedelka cimilada ku yeeshay deegaanka Soomaaliya ayaa maanta lagu qabtay magaalada Nairobi.

Daraasadan ayaa waxaa soo bandhigay urur goboleedka Bey’ada ee is bedelka cimilada ee loo gaabiyo (Repcc).

Munaasabadan ayaa waxaa ka soo qeyb galay ku simaha safiirka dowlada Soomaaliya u fadhiya dalkani Kenya ahna qunsulka safaarada Cali Maxamed Sheekh (Cali Begadi),aqoonyahanoo iyo qaar ka mid ah ururada ka shaqeeya ilaalinta deegaanka.

Madaxa urur goboleedka Bey’ada ee is bedelka cimilada ee (REPCC) Yaasir Axmed ayaa sheegay in daraasadan la sameeynayay mudo sedax bilood ah,isagoo sheegay in daraasadan ay tahay tii ugu horeysay ee nuuceeda ah oo laga soo diyaariyo deegaanka Soomaaliya.

Yaasir Axmed ayaa sheegay in daraasadan ay koobeeyso is bedelada dhanka cimilada ah ee ka dhacay dalka Soomaaliya mudadii 25-ka sano ahayd ee la soo dhaafay.

Yaasir ayaa sheegay in jarista dhirta,abaaraha iyo daadadka ka dhaca soomaaliya uu sababay is bedelka cimilada ee ka jira Soomaaliya,isagoo sheegay in dadka soomaaliyeed ay u baahanyihiin wacyi galin dhanka deegaanka ah.

Madaxa Somali Accadamy (Mandeeq),isalamarkana hogaaminayay daraasadan Dr Ibraahim Faarax (Bursaliid) oo munaasabada ka hadlay ayaa sheegay in daraasadan oo socotay mudo sedax bilood ah ay ka turjumeyso sawirka runta ah ee Bay’ada Soomaaliya.

Dr Bursaliid ayaa sheegay in dhibaatoyinka ku xusan daraadan ay ka mid yihiin dhalan rog ku dhacay dhulka ,nabaad guur,dhibaatoyinka ay dhuxusha keentay iyo burcad badeeda.

Dr Ibraahim Bursaliid ayaa sheegay in arrinta ugu muhiimsan ay tahay ogaansha la’aanta dadka soomaaliyeed ee dhibaatoyinka dhanka deegaanka.

Ugu danbeyntii ku simaha safiirka,ahna qunsulka safaarada Cali Maxamed Sheekh (Cali Begadi) ayaa sheegay in daraasadan ay ka turjumeysay sidii wax looga qaban lahaa xaalufinta lagu haayo deegaanka Soomaaliya,isagoo sheegay in loo baahanyahay in dadka Soomaaliyeed loo sheego sida uu muhiimka u yahay ilaalinta deegaanka.

IMG_1333 IMG_1334 IMG_1348 IMG_1351 IMG_1352 IMG_1354 IMG_1360 IMG_1361 IMG_1364 IMG_1371 IMG_1373 IMG_1374 IMG_1377 IMG_1378 IMG_1379 IMG_1381

Sawir Qaade:-Hassan Omar Baffo

Did you like this? Share it:

LEAVE A REPLY

Please enter your comment!
Please enter your name here