Munaasabad lagu soo dhaweeyanayay Boqor Burhaan oo lagu qabtay dalka Koofur Afrika “Sawirro”

1337

Xafladballaaran oo lagu soo bandhigayay hiddaha iyo dhaqanka Soomaaliyeed boqor Burhaan Boqor Muuse ayaa lagu qabtay magaalada Johanesburg ee dalka koofur afrika.

Munaasabadda ayaa waxaa soo qaban qaabiyay ururka hiddaha iyo dhaqanka Soomaaliyeed ee dalka koofur Afrika, waxaana ka qeyb galay mas’uuliyiinta safaaradda Soomaalida ee dalkaasi,  madaxda ururrada bulshada dhalinyaro haween iyo mas’uuliyiin ka socotay dowladda Koofur Afrika .

Xaflada ayaa waxaa lagu soo bandhigay hiddaha iyo dhaqanka Soomaaliyeed Gabayo,  ka tarjumayay midnimada,  Buraanbur iyo Heeso waddani ah,  waxaana munaasabadda soo buux dhaafiyay dad weyne Soomaaliyeed oo inta badan ku labisnaa dhar lagu soo hardhay astaanta Calankeenna Soomaaliyeed.

Sii haayaha safaaradda Soomaaliya ee dalka Koofur Afrika Ismaaciil Soomane oo munaasabadda ka hadlay ayaa ku boorriyay Soomaalida in ay dhaqankooda ilaashadaan, isagoo ka warbixyay hormarka ay dowladeenu ku talaab satay.

” maadaama aan metelayno dowladda Soomaaliya waxaa runtii aad iyo aad wax lugu farxo ah siyaasadda wasaaradda arrimaha dibadadda Soomaaliya is bedelka weyn oo ka jira,  waxaad garanaysaan sanadkaan aan ku jirno ee 2015 bishii Jenawari  waxaa ku shiray wadankeena, wasiirrada arimaha dibadda ee urur gobaleedka IGAD. sidoo kale isla bishii Jenawari waxaa booqasho ku tegay wadankeena madaxweynaha dalka aan walaalaha nahay ee Turkiga, waxaa ugu danbeeyay booqashadii xoghaayaha arimaha dibadda ee Mareynkanka John Kerry uu ku tegay bishaan shan teedi magaalada dalka ee Muqdisho” ayuu yiri sii hayaha safaaradda Soomaalida ee dalkaasi Ismaaciil Soomane.

Boqor Burhaan Boqor Muuse oo ahaa shaqsigii lagu soo dhaweeynayay  xafladda oo halkaasi ka hadlay ayaa ka mahadceliyay sida maamuuska leh ee loogu soo dhaweeyay dalka Koofur Afrika.
“runtii safarka aan ku imid South Afrika waa iiga duwan yahay safarradii aan ku marayay waddamada kale ee adduunka sida Yurub, North Amerika,  Afrika oo wadanka Zaambiya ka soo bilaabay aad iyo aad ayuu iiga duwan yahay safarkaani. runtii waxaan aad iyo aad qofkasta oo Soomaaliya dareenkiisa Meel kasta uu jooga dalka gudahiisa iyo dibadiisaba marka uu arku ama maqlo  qof Soomaaliya oo wax lagu yeelay wadankaan shucuurtiisa aad ayay isu bedeshaa, ummadda Soomaaliyeed, waxaad arkaysaa inay yihiin dad isku mid ah dad isku dhaqana dad ka damqanaaya dhibaatada gaarta qofka Soomaaliga ah, waxaa idiin dhiman wax yar oo aan isleeyahay waqti dhaw waan ka gudbi doonaa waxaana uga gudbi doonaa inaan wadankeyna hagaagsano.” ayuu yiri Boqor Burhaan Boqor Muuse.
unnamed (1) unnamed (2) unnamed (3) unnamed (4) unnamed (5) unnamed (6) unnamed (7) unnamed

 

 

Did you like this? Share it:

LEAVE A REPLY

Please enter your comment!
Please enter your name here