Munaasabad Lagu Taageerayay Ololaha La Dagaalanka Qaadka Oo Muqdisho Lagu Qabtay

1603

Munaasabadani oo ay soo qaban qaabisay Jaamacada Soomaaliya ayaa maanta lagu qabtay xarunta Jaamacada ee magaalada Muqdisho, iyadoo lagu taageeray ololaha looga soo horjeedo cunista qaadka ee uu dalka ka wado Abuukar Cawaale Qaad-diid, waxaana ka soo qeyb galay Abuukar jaamac Cawaale Qaad-diid, Maamulka iyo ardayda Jaamacadda Soomaaliya.

Guddoomiyaha Ururka la dagaalanka Qaadka Abuukar jaamac Cawaale oo munaasabadda ka hadlay ayaa ku bogaadiyay bulshada Soomaaliyeed in ay u istaagaan sidii dalkeena looga joojin lahaa cunista Qaadka.

Guddoomiyaha midowga Ardayda jaamacadda Soomaaliye C/weli C/llaahi Xuseen ayaa goobta ka sheegay in ardayda Jaamacada ay meel ugu soo wada jeesan doonaan la dagaalanka cunista Qaadka.

Madaxa Caafimaadka ee Jaamacada Soomaaliya Dr Yaasin Axmed Nuur oo dhankiisa munaasabadda ka hadlay ayaa ka sheekeeyay dhibaatada caafimaad ee uu keeni karo isticmaalka Qaadka.

Guddoomiyaha Ururka la dagaalanka Qaadka Abuukar Cawaale Qaad-diid ayaa mudooyinkii ugu dambeeyay waxa  uu gudaha dalka ka waday Olole looga soo horjeedo cunista Qaadka.

 

Did you like this? Share it:

LEAVE A REPLY

Please enter your comment!
Please enter your name here