Munaasabad lagu weynayay ciidul fitriga oo lagu qabtay degmada Kaaraan

Munaasabadan loogu dabaaldegayay ciidul fitriga ayaa waxaa soo qaban qaabiyay  Hay’adda wacyigelinta bulshada  C.C.A  waxaana ka soo qeybgalay maamulka degmada Kaaraan Qaar ka mid ah guddoomiyeyaasha degmooyinka gobolka banaadir,  maamulka gobolka banaadir  iyo xubno kale.

Intii ay munaasabada socotay waxaa kooxda  fanaaniinta   Muqdisho band ee  ka dhisan Degmada Kaaraan goobta ku soo bandhigeen  suugaan ka  turjumeysa dabaal dega ciidul fitriga.

Agaasimaha Hay’adda wacyigelinta bulshada  C.C.A Maxamed Cabdi Xasan Sandheere oo ka  hadlay goobta ayaa  sheegay in Hay’addu ay farxad weyn u tahay in ay kala qeyb qaadato  munaasabada ciidil fidriga bulshada ku nool degmada  Kaaraan.

“C.C.A waxaa farxad u ah  bulsho intaan  la’eg  ee u dabaal degeyso maalinta ciida iney qeyb ka  noqoto, waxayna tahay muhiimada ama ujeedada in maalintan oo ah maalin qiima u leh Islaamka  la weyneeyo guud ahaana la dabaal dego, isla markaana dhanka kale fursad lagu siiyo dhidaha iyo dhaqanka  dhaqankeena la soo bandhigo”ayuu yiri Agaasimaha.

Guddoomiyaha Degmada Dharkenley ee gobolka Banaadir  Cumar Meyre Macow oo ka soo qeyb galay munaasabada ayaa hambalyo ku aadan   munaasabada ciidul  fitriga u diray  Ummadda Soomaaliyed gaar ahaan shacabka ku  nool degmada Kaaraan.

Guddoomiyaha Degmada Kaaraan ee gobolka banaadir Cabdifataax Nuur Cali ayaa ugu mahadceliyay  Hay’adda wacyigelinta bulshada  C.C.A sida marwalba ay ugu qeybqaadaneyso barnaamijyada wacyi gelinta  ah  ee lagu weyneynaya  ciidul  fitriga.

Agaasimaha howlaha guud  maamulka gobolka banaadir Sheekh Cumar Sheekh Xuseen  ayaa  u hambalyeyay shacabka  ku nool degmada Kaaraan damaashaadka  ciidul fitriga  awgiis, isagoo  ku booriyay bulshada ku nool degmada Kaaraan in ay  ka shaqeeyaan ammaanka degmadooda

LEAVE A REPLY

Please enter your comment!
Please enter your name here