Munaasabad lagu xusayay Maalinta Caalamiga ee Xuquuqul Aadanaha oo lagu qabtay Muqdisho+Sawirro

Munaasabad lagu weyneynayay Maalinta Caalamiga ah ee xuquuqul Aadanaha oo ku beegan 10-ka bisha Disembar ayna soo qaban qaabisay Wasaaradda Haweenka iyo Xuquuqul Insaanka Xukuumadda Federaalka Soomaaliya ayaa maanta lagu qabtay magaalada Muqdisho.

Munaasabadaan aya waxaa kasoo qeybgalay Mas’uuliyiin ka tirsan dowladda Federaalka Soomaaliya iyo Ururada bulshada rayidka waxaana lagu soo bandhigay ruwaayado iyo suugaan ka tarjumaya muhiimadda ay leedahay maalinta Caalamiga ee Xuquuqul Aadanaha.

Guddoomiyaha  hay,adda  Golaha  naafadda  Qaranka, Sayid  Cali  Cabdullaahi iyo Agaasimaha   Naafadda  Gobolka  Banaadir, Axmed   Xasan  ayaa waxa ay  uga mahadceliyeen  Wasaaradda Haweenka  sida ay  u garab taagantahay   dadka naafadda ah, waxaa ayna  ka codsadeen  in Wasaaraddu  ay sii xoojiso garab istaaga dadka naafadda ah,iyagoo ka codsaday in kuwa waxbartay loo helo meelo ay ka shaqeeyaan.

Xildhibaan Canab Xasan Cilmi oo ka mid ah Golaha Shacabka iyo Senator Faadumo Gariin oo ka mid ah Aqalka sare ayaa ka hadlay tacadiyada loo geysto dadka naafadda ah,iyagoo hoosta ka xariiqay in ay lagama maarmaan ay tahay in laga hortago tacadiyada loo geysto naafadda ayna tahay in ay helaan Xuquuqdooda.

Wasiirka Wasaaradda Haweenka iyo Xuquuqul Insaanka Xukuumadda Federaalka Soomaaliya, Marwo, Deeqo  Yaasiin  Xaaji ayaa  waxa  ay sheegtay  in Wasaaraddu  ay  ka shaqeynayso  sharciyo   xadidaya  joojinta dhibaatooyinka  ay  la kulmaan  dadka naafadda ah iyo bulshada qaybaheeda  kala duwan.

LEAVE A REPLY

Please enter your comment!
Please enter your name here