Munaasabad lagu xusayay Sanad Guurada 3-aad ee maamulka K/Galbeed oo lagu qabtay Baydhabo

0
1135

Munaasabad loogu dabaal dagayo 3-sano guuradii ka soo wareegtay aasaaska dawlad goboleedka Koofur Galbeed ayaa xalay lagu qabtay magaalada Baydhabo ee xarunta KMG ee dawlad Goboleedkaasi.

Munaasabadaas ayaa waxaa ka qayb galay madaxwaynaha Koofur Galbeed Shariif Xasan Sh Aadan, Madaxwaynaha Hirshabeelle Maxamed Cabdi Waare, mas’uuliyiin ka tirsan dawladda Federaalka Soomaaliya iyo qaybaha bulshada.

Waxaa lagu soo bandhigay waxqabadka koofur galbeed mudada 3-da sano ah ee maamulku shaqaynayay, kuwaas oo ay ka mid yihiin talaabooyinka loo qaaday dhinaca maamul wanaagga ilaa la gaarsiiyo in degmooyinka qaar gole deegaan loo sameeyey iyo dhismaha xarumaha dawlad goboleedka.

Shariif Xasan Sh Aaden madaxwaynaha dawlad goboleedka koofur Galbeed oo munaasabaddas ka hadlay ayaa sheegay in maamulku qaadayo talaabioiyin lagu hormarinayo adegyada bulshada iyo amniga.

Did you like this? Share it:

LEAVE A REPLY

Please enter your comment!
Please enter your name here