Munaasabad soo dhaweyn ah oo Baydhabo loogu sameeyey Wafdiga uu hogaaminayo kusimaha Madaxweynaha “Sawirro”

0
767

Waxaa Magaaladda Baydhabo ka dhacday Munaasabad lagu soo dhaweynayey Wafdiga uu hogaaminayo kusimaha Madaxweynaha Ahna Gudoomiyaha Baarlamaanka Soomaaliya, waxaa Munaasabada ka qeyb galay Madaxweynaha Dowlad Goboleedka Koonfur Galbeed Soomaaliya, Guddoomiyaha Golaha Wakiilada Dowlad Goboleedka koonfur Gaalbeed, Xildhibano Ka tirsan labada Aqal ee Baarlamaanka Dowladda Soomaaliya, iyo Wariiro Ka tirsan Dowlad Goboleedka koonfur Gaalbeed iyo qeybaha Bulshada ee Magaalada Baydhabo.

Fanaaniinta Deegaanada Koonfur Galbeed ayaa soo bandhigay suugaan ay kusoo dhoweynayaan wafdiga Guddoomiyaha Golaha Shacabka.

Guddoomiyaha Golaha Wakiilada koonfur Galbeed  Cabduqaadir Shariif Sheekhuna Maye ayaa wafdigan kusoo dhoweeyay Magaaladda Baydhabo, waxaana uu sheegay inay farxad u tahay maamulkooda inay soo dhaweeyeen qaar kamida Madaxda ugu sareysa Dowladda Soomaaliya.

Madaxweynaha Dowlad  Goboleedka koonfur Galbeed Soomaaliya Mudane Shariif Xasan Sheekh Aadan Aaya sheegay in ka maamul ahaan iyo Shacabka reer koonfur Galbeed ay aad ugu faraxsanyihiin wafdiga soo gaaray Magaaladda Baydhabo.

Kusimaha Madaxweynaha Ahna Gudoomiyaha Golaha Shacabka  Maxamed Mursal Sheekh Cabdiraxmaan ayaa u Mahad celiyay Shacabka iyo Masuuliyiinta Dowlad Goboleedka Koonfur Galbeed soo dhoweynta wanaagsan ee ay u sameeyeen.

By Ibrahim Gudle

Did you like this? Share it:

LEAVE A REPLY

Please enter your comment!
Please enter your name here