Musharax Maxamed Cilmi Mideeye oo balan qaaday horumarinta adeegyada bulshada “SAWIRRO”

0
1596

Maxamed Cilmi Afrax “Mideeye” oo ka mid ah musharaxiinta u taagan qabashada xilka madaxtinimadda goboladda dhexe ee dalka gaar ahaan Gobollada Mudug iyo Galgaduud oo si diiran loogu soo dhaweeyay degmada Caabudwaaq ee gobolka Galgaduud ayaa sheegay in uu ka shaqeyn doono dib u heshiisiinta iyo horumarinta adeega bulshada.

Qeybaha kala duwan ee bulshada oo sitay boorar ay ku taageerayaan musharaxa ayaa ugu horeyn ku soo dhaweeyay deegaanka Bangale, waxaana wafdiga Maxamed Cilmi Afrax soo dhaweynta kaddib la geeyay xarunta maamulka Degmada Caabudwaaq iyo xaafao kale oo ka tirsan degmada Caabudwaaq ee obolka Galgaduud.

Kulan lagu qabtay Hotel Salaama oo ku yaalla bartamaha magaalada Caabudwaaq ayaa waxaa ka qeyb galay qeybaha bulshada ee halkaasi ku nool, waxaana cuqaashii iyo waxgaradkii goobta hadal ka jeediyay ay tilmaameen in Maxamed Cilmi Afrax Mideeye ay si wanaagsan u yaqaaniin, maadaama isaga oo Hay’adda ICRC Madax ka ah uu wax badan u qabtay bulshada ku nool gobolka Galgaduud, iminkana ay soo dhaweynayaan in uu isu soo taago qabashada xilka Madaxtinimo ee maamulka Gobollada Dhexe ayna ka qeyb qaadanayaan sidii codka uu heli lahaa.

Sidoo kale haweenkii ka qeyb qaadanayay soo dhaweynta musharaxa ayaa xusay in aad ugu riyaaqeen sida uu isu soo taagay qabashada xilka Madaxtinimada Maamulka Gobollada dhexe.

Guddoomiyaha degmada Caabudwaaq Cabdiraaq Xasan Cowl oo isna kulanka hadal ka jeediyay ayaa sheegay in Maamulka iyo shacabka degmadu ay taageersanyihiin musharax Maxamed Cilmi Afrax “Mideeye”, isagoo ku tilmaamay in uu yahay shaqsi wax badan u soo qabtay bulshada Gobollada dhexe, ayna gacan ka geysanayaan sidii uu heli lahaa xilka uu u taaganyahay ee ah Madaxtinimada Gobollada dhexex

Ugu dambeyntii Musharax Maxamed Cilmi Afrax “Mideeye” oo xafladda lagu soo dhaweynayay hadal kooban ka jeediyay ayaa ugu mahadceliyay maamulka iyo shacabka ku nool degmada Caabudwaaq sida diiran ay u soo dhaweeyeen, waxaana uu u balan qaaday in haddii uu ku guuleysto xilka uu u taaganyahay in uu si cadaalad ah ugu adeegi doono bulshada Gobollada dhexe, isla markaana uu ka shaqeyn doono sidii uu dib u heshiisiin dhab ah u dhex dhigi shacabka Gobollada Mudug iyo Galgaduud iyo horumarinta adeegyada aas aasiga u ah nolashada bulshada gobollada dhexe.

Maxamed Cilmi Afrax Mideeye oo horey madax uga soo noqday Hay’adda ICRC ayaa ku guuleystay in uu ceelal iyo mashaariic kale ka hirgeliyo deegaannada Gobolada Mudug iyo Galgaduud, isla markaana uu iminka diyaar u yahay in uu wax badan u qabto bulshada halkaasi ku nool.
12

11

10

9

4

5

6

7

8

3

2

1

13

Did you like this? Share it:

LEAVE A REPLY

Please enter your comment!
Please enter your name here