Muwaadiniin u dhashay Sri Lanka Oo Burcad Badeeda U Afduubnaa Oo La Sii Daayay

1071

Wararka ka imaanaya Gobolka Mudug ayaa sheegaya in Kooxda Burcad badeeda ay sii daayeen ilaa 4 Ruux oo ay haysteen mudo ka badan Afar Sano oo ay ka afduubteen xeebaha Soomaaliya sanadkii 2011-ka.

la heystayaasha la sii daayay oo lagu wareejiyay Maamulka Galmudug ayaa u dhashay Dalka Sri Lanka iyadoo mudada intaa la eg dadkaasi lagu heystay deegaano ka mid ah gobolka Mudug.

Mas’uuliyiin ka tirsan Maamulka Galmuudg ayaa lagu Wareejiyay la heystayaashaasi kaddib dadaalo dheeraad ah oo ay u galeen sidii muwaadiniintaasi u dhashay Dalka Sri Lanka ay xoriyadoodu dib ugu heli lahaayeen, waxaana la filayaa in maanata Magaalada Gaalkacyo Diyaarad laga saaro si Dalalkoodi Dib loogu Celiyo.

Mas’uuliyiinta Maamulka Gobolka Mudug oo aan la hadalnay ayaa inoo sheegay in goor dhow faah faahin dheeraad ah ay ka bixin doonaan wararka la xiriira sii deynta la heystayaashaasi.

Did you like this? Share it:

LEAVE A REPLY

Please enter your comment!
Please enter your name here