Nabadoon Mukhtaar Sheekh Axmed oo si diiran loogu soo dhaweeyay Cadale “SAWIRRO”

Nabadoon Mukhtaar Sheekh Axmed Maxamed Xasan oo ka mid ah nabadoonnada Soomaaliyeed ayaa si diiran loogu soo dhaweeyay degmada Cadale ee ka tirsan Gobolka Shabeelaha dhexe, halkaasi oo ay isugu soo baxeen boqolaal dadweyne ah oo aad ugu faraxsanaa soo dhaweynta nabadoonka.

Nabadoonka iyo wafdi uu hogaaminayo ayaa gaaray deegaanka Xaaji Cali oo qiyaastii 25 km u jirta magaalada Cadale, halkaasi oo ay sidoo kale ku soo dhaweeyeen boqolaal dadweyne ah, kuwaasi oo sitay boorar ay ku qornaayeen halku dhigyo lagu soo dhaweynayo nabadoon Mukhtaar Sheekh Axmed Maxamed.

Mukhtaar Sheekh Axmed Maxamed Xasan oo dadweyne aad u fara badan kula hadlayay Buurta Geella ee deegaanka Xaaji Cali ayaa sheegay in ujeedka socdaalkiisu ay la xiriirto sidii uu u xalin lahaa dagaal beeleedyo ka dhacay deegaanno ka tirsan gobolka Shabeelaha Hoose, waxaana uu intaa ku daray in qofkii si xaqdaro ah u dila qofkale la marsiin doono waxa ay ka qabto sharaceeda Islaamka.

Sheekh Cumar Cali Faqay oo ka mid ah mashaa’iqda ugu waa weyn degmada Cadale ayaa bulshada ka dalbaday inay qaataan waanada nabadoonka, isla markaana ay xoogga saaraan arrimaha dib-u-heshiisiinta.

Muxudin Suudi Cadale Guddoomiyaha Cadale ayaa sheegay in shacabka looga fadhiyo inay isku duubni muujiyaan oo ay ka hortagaan cidkasta oo carqaladeyneysa amniga degmada iyo deeennada kale ee ku xeeran.

IMG_20150727_124850 IMG_20150727_124853 IMG_20150727_124859  IMG_20150727_124929 IMG_20150727_124934 IMG_20150727_124936 IMG_20150727_124941  IMG_20150727_124952 IMG_20150727_124958 IMG_20150727_125023 IMG_20150727_125040 IMG_20150727_125105 IMG_20150727_125114 IMG_20150727_125237

Sawir Qaade: Maxamed Ibraahim Raage

LEAVE A REPLY

Please enter your comment!
Please enter your name here