Nabadoon Xaad oo ku baaqay in la joojiyo dagaalka Xeraale

1047

Nabadoonada Soomaaliyeed ayaa ku baaqay in si sharuud la’aan ah lagu joojiyo dagaalada  ka socda deegaanka  Xeraale ee Gobolka Galgaduud, halkaasi oo shalay gelinkii dambe uu ka dhacay dagaal sababay dhimasho iyo dhaawac.

Nabadoon Maxamed Xasan Xaad oo la hadlay Radio Muqdisho ayaa ku baaqay in si  shuruuud la’aan ah loo joojiyo dagaalada ka soo cusboonaaday deeganka Xeraale ee u dhexeeya ciidamada ammaanka dowlad Goboleedka Galmudug iyo kuwa Ahlu-sunna.

“Waa arrin murugo leh, marka hore waxaan rabaa in aan u tacsiyeeyo intii meeshaas ku dhimatay, kuwa dhaawacmayna Alle bogsiiyo, tan xigta waxaan rabnaa in si sharuud la’aan lagu joojiyo, maadaama aan ognahahay in dagaal sokeeyo uusan natiijo keeneyn, dagaalka hala joojiyo, wixii sababay gacan ka hadalkana laga wada xaajooda oo miiska wada hadalka lagu dhameeyo” ayuu yiri Nabadoon Maxamed Xasan Xaad.

 

Did you like this? Share it:

LEAVE A REPLY

Please enter your comment!
Please enter your name here