Nin ganacsade ahaa oo lagu diley xaafadda Islii

3397

Kooxo ku hubeysan bastoolado ayaa xalay nin ganacsade ah waxaa ay ku dileen xaafadda islii ee magaalada Nairobi ee dalka Kenya, iyadoo la sheegay in kooxdii dilka geysatay  ay sidoo kale tiro aan la cayamin oo lacag ah ay ka qaateen ninka la diley.

Ninka la diley ayaa la oran jirey Mustafa Sheekh, oo  35 sano jir ah, kaas oo ku sugnaa xarunta shirkad lagu magacaabo  Kenzi Enterprise Ltd, oo ku dhow masjidka  Dar Es Salam , markaas oo ay weerar ku soo qaadeen shan nin oo midkood ku hubeysanaa bastoolad.

Waxaa jirey muran dhex maray burcadda iyo ninka ganacsadaha ahaa ee dhintay iyadoo markii dambe ay rasaas ku fureen taas oo ka haleeshay garabka midig waxaana loo qaaday isbitaal halkaas oo uu markii dambe ku geeriyooday.

Saraakiisha  saldhiga booliiska ee Shauri Moyo, ayaa goobta ka soo qaaday alaab xiran oo la aaminsan yahay in uu lahaa ninka geeriyooday, kuwaas oo hadda baaritaan uu ku socdo.

Bishii la soo dhaafay, hogaamiyaha aqlabiyadda baarlamaanka dalka Kenya Aadan Barre Ducaale ayaa labo kamid ah ilaaladiisa lagu dhaawacay xaafadda Islii, iyadoo sidoo kale nin kamid ah booliiska xaafadaas oo lagu magacaabo C/casiis Maxamed laga xaday bastooladiisa taas oo ilaa iyo hadda aan la helin.

Did you like this? Share it:

LEAVE A REPLY

Please enter your comment!
Please enter your name here