Ololaha Isxilqaan oo ka bilowday Degmooyinka Gobolka Banaadir “SAWIRRO”

1675

Kaddib markii shalay Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo uu ku dhawaaqay Ololaha Isxilqaan, kana codsaday shacabka Soomaaliyeed in ay saacadahooda toddobaadkii qeyb ka mid ah galiyaan dalkooda, ayaa maanta xoogagga wadaniyiinta ee qaar ka mid ah degmooyinka Gobolka Banaadir waxa ay bilaabeen Ololaha Isxilqaan.

 

Degmada Warta-nabadda oo ka mid ah degmooyinka Ololuhu ku bilaawday, waxaa isugu soo baxay boqolaal ka mid ah xogagga wadaniyiinta Gobolka Banaadir kuwaas oo Olole nadaafadeed oo Isxilqaan ka sameeyay waddooyin muhiim ah oo degmada ku yaala sida waddada wadnaha iyo kuwo kale.

Guddoomiyaha Degmada Warta Nabadda Seynab Maxamed Xaabseey oo hor-kaceysay xogagga wadaniyiinta ah ayaa SONNA u sheegtay in iyaga oo ka jawaabaya baaqii Madaxweynaha Jamhuuriyadda ay maanta qabteen hawl nadaafadeed oo Isxilqaan ah.

“Maanta oo jimce ah dadkuna ay nasanayaan waxaan usoo baxnay in aan fullino baaqii Madaxweynaha ee shalay uu shacabka Soomaaliyeed kaga codsaday in saacado ka mid ah waqtigooda ay galiyaan dhismaha iyo bilicda dalkooda, ilaa saaka xoogagga wadaniyiinta ah ee degmada waxaan u taagan yihiin hawsha nadaafadeed ee aad u jeedaan”

Madaxweynaha Jamahuuriyadda Federaalka Soomaaliya Mudane Maxamed Cabdullaahi Farmaajo ayaa shalay xaflad ka dhacday Muqdisho oo ay kasoo qeyb galeen kummanaan qof oo ka mid ah xoogagga wadaniyiinta Gobolka Banaadir uga dhawaaqay Ololaha Isxilqaan oo loogu talagalay in lagu dhiso dalka, isaga oo Madaxweynuhu ka sodsaday muwaadin kasta oo Soomaaliyeed in toddobaadkii labo saacadood iyo bar ka mid ah waqtigiisa uu galiyo dalkiisa.

 

Did you like this? Share it:

LEAVE A REPLY

Please enter your comment!
Please enter your name here