Olole Guri ka guri ah oo dadka looga wacyi-galinayo cudurka Covid-19 oo laga sameeyay Degmada Xamarjajab+sawirro

Guddoomiyaha Degmada Xamar Jajab ee Gobolka banaadir Guhaad sheikh Xasan Guddoomiyaha Ururka Dhalinyarada Gobolka Banaadir  Cabdi kaafi Maxamuud Makaraan iyo Agaasimaha Waaxda Caafimaadka ee Dowladda Hoose ee Xamar Dr Maxamed Cadoow ayaa maanta olole balaaran oo bulshada loogu wacyigelinayo Cudurka Karoona fayruska ka sameeyay Degmada xamar Jajab.

Ololahaan ayaa waxaa loo sameeyay qaar ka mid  Gaabaha Ganasiga, darawaliinta ka kaxeeya  gadiidka dadweynaha iyo sidoo kale in xaafadaha loogu tago bulshada iyadoo la siinayo sabuunta gacmaha lagu dhaqo iyo maaska afka lagu xerto sidoo kale waxaa qeyb-ka ahaa in laga gaarssiyo fariimaha wacyigelinta si ay u illaaliyaan nadaafada.

Bulshada maanta gaartay wacyigelinta ayaa soo dhaweeyay talooyinka Caafimaadka waxaana ay sheegeen inay kala shaqeynayaan Maamulka Degmada .

“Talooyinka Caafimaadka waan qaadaneynaa waxaana uga mahadcelineynaa anagoo la shaqeyneyno Maamulka Degmada”sidaas waxaa yiri qaar ka mid ah bulshada degmada

Gudoomiyaha Dhalinyarada Gobolka Banaadir Cabdikaafi Maxamuud Makaraan  iyo agaasimaha waaxda Caafimaadka ee dowladda Hoose ee Xamar Dr maxamed Cadoow ayaa ku booriyay bulshada in la qaato faarimaha wacyigalinta.

“Maanta waxaan Maamulka Degmada kala qeyb-qaadaneyanaa ololaha lagu wacyigalinayo bulshada kaasi oo ku aadan sidii loogu hortagi lahaa Cudurka Karoona”

Guddoomiyaha Degmada Xamar jajab ee Gobolka Banaadir  Guhaad Sheekh xasan ayaa sheegay in wacyigalintaan ay ka duwan kuwii hore islamarkaana ay sii wadi doonoo iyadoo bulshada ay la fahmeen saameynta cudurkaan.

“Ololaha waa ka duwan kuwii hore anagoo xaafadaha ugu  tageyno si aan bulshadeyna ugu sheegno saameynta Cudurkaan Covid-19 iyo  qatartiisa waana nala qaateen shacabka ku dhaqan degmada Xamar jajab maadama ay nala dareemayaan Howsha Culus ee aan heyno”

Ololaahaan looga wacyigalinayo bulshada cudurkaan safmareenka ee Karoona Feyruska ayaa waxaa la gaarsiiyay ilaa heer degmo si loo xakameeyo saameynta uu haayo dalka.

 

 

LEAVE A REPLY

Please enter your comment!
Please enter your name here