Olole lagu wacyigelinayo Barakacayaasha oo lagu qabtay Degmada Kaxda+Sawirro

Noole kasta oo jooga aduunkaan waxaa halbowlo u ah Biyaha waxaana ay  qeyb weyn ku leeyihiin nolosha dadka iyo duunyada,hadaba iyadoo maanta ay ku beegantahay Maalinta biyaha aduunka ayay masuuliyiinta wasaaradda Tamarta iyo Khayraadka biyaha ee dowladda Soomaaliy ayaa waxa   booqdeen  barakacaayaasha ku nool degmada kaxda ee gobolka Banaadir waxaana ay u sameeyseen wacyigelin iyo aqoon kororsi ku aadan sidii ay u ilaalin lahaayeen nadaafadda si loo hubiyo bad qabka bulshada Soomaaliyeed.

Wasaaradda Tamarta iyo Kheyraadka biyaha Xukumadda Federaalka Soomaaliya ayaana bedelka xaflado la qabto siisay in bulshada si toos ah loo gaarsiyo wacyigelin islamarkaana lagu bogaadiyo inay ka qeyb-qaataan ilaalinta Nadaafadda .

Guud ahaan goobaha ay booqdeen waxaa sidoo kale ay gaarsiiyeen dawooyinka lagu hubinayo nadaafada  biyaha iyo deegaanka waxaana loo qeybiyay qoys walbo agabyo Caafimaad.

Cali Cadoow Maxamuud Guddoomiye ku xigeenka arrimaha bulshada Degmada Kaxda ayaa uga mahadceliyay Wasaaradda tamarta sida ay xooja usaareyso hubinta Caafimaadka  iyo caawinta dadka danyarta ah.

“Anigoo ku hadlay magaca maamulka degmada waxaa wasaaradda uga mahadcelinayaa dadaalka ay wado oo ah in la garab qabto dadka danyarta waxaana ay maanta dawooyin siisay dad gaaraya ilaa kun qoys”sidass waxaa yiri Cali Cadoow Maxamuud Guddoomiye ku xigeenka arrimaha bulshada Degmada

Agaasimaha guud ee wasaaradda Tamarta iyo Khayraadka biyaha ee Xukumadda Federaalka Soomaaliya Cabdiwaaxid Ibraahim Axmed oo uwaramay warbaahinta Qaranka ayaa hadlay qaabka loo wagyigelinayo bulshada.

“Maanta degmada kaxda waxaan ka sameeynayay barnaamij wacyigelin ah oo aan ugu talagalnay in bulshada barno nadaafadda maadaama cudur qatarta ah ee karoona feyrus ee caalamka dhibaatada ku haayo loogu hortagi karo nadaafadda “sidaas waxaa yiri agaasimaha guud ee wasaaradda tamarta iyo Khayraadka biyaha

Wasaaradda tamarta iyo khayraadka biyada dowladda Soomaaliya ayaa hormaro la taaban karo ka sameysay Qorshayaasha  lagu horumarinayo biyaha dalka si loo gaarsiiyo Gobol, Degmo iyo heer Tuulo oo ka mid ah dalka waxaa laga hirgeliyay Ceelal dadka iyo duunyada ay ka biyo ka  Cabaan taas ayaana saldhig u ah doorka muuqda ee Sannadkaan Soomaaliya ee dhanka Biyaha ay ka gaartay.

LEAVE A REPLY

Please enter your comment!
Please enter your name here