Olole Nadaafadeed oo ka bilaabatay xaafadda Mayfair ee magaalada Johannesburg

1580

Dowladda Hoose ee magaalada Johannesburg oo kaashaneysa Jaaliyadda Soomaalida ee magaaladaasi ayaa waxaa ay howlo wacyi gelin ah oo dhanka nadaafada ay ka sameeyeen xaafadda Mayfair oo Soomaalida Dagan tahay.

Howlgalkaan ayaa waxaa iska kaashanayay duqa Ward 58 ee magaalada Johannesburg Alex, Jaaliyadda Soomaalida ee xafadaasi iyo waliba Jaaliyada Oromada ee dagan isla xafaadaasi, waxaana uu ahaa ujeedkiisa mid la doonayo bilic soo celinta xaafadaasi in laga wada qeyb qaato.

Waxaa dadkii ka qeyb qaadanayay ay isku qeybbiyeen labo qeyb oo kala ahaa madaxda Jaaliyada iyo dowladda Hoose oo ka shaqeynaysay wacyi gelinta dadka ganacsiga halkaasi ku heysta in ay ka shaqeeyaan nadafaada isla markaana ay qashinka ka soo saaraan goobahoda ganacsiga, gaar ahaan maqaayadaha ay geeyaan meelaha loogu talagalay.

Qeybta labaad oo u badnaa dhallinyaro ayaa ayaga waddooyinka socod ku marayaya waxaana qashinka ka aruurinayeen wadooyinka xafaadaha dhaxdooda iyo afafka hore ee goobaha ganacsiga Ku yaala xaafada Mayfair .

Guddoomiyaha Jaaliyada Caamir Sheekh iyo Guddoomiyaha Jaaliyada Oromada oo warbaahinta Qaranka kula hadlay halka ay howsha nadaafada ka socotay ayaa sheegay in muhimada shaqadaan ay tahay in wacyigalin loo sameeyo dadka halkaan ku nool isla markaana laga wada qeyb qaato bilicso celinta xaafada.

“Howshaan waxaa ay aheyd mid ay iska kaashanayeen Dowladda hoose ee magaalada Johannesburg Iyo jaaliyadaha Soomaalida iyo Oromada, waxaana ujeedkeeda ugu weyn oo ahaa in wacyi galin loo sameeyo dadka deegaanka iyo waliba in Nadaafada laga wada qeyb qaato” ayuu yiri Caamir Sheekh.

Duqa Ward 58  ayaaa ugu baaqay bulshada ku wada nool xaafadda Mayfair in la wada shaqeeyo isla markaana la iska kaashado nadaafada maadaama ay tahay qeyb ka mid ah iimaanka.

“Hadiiba aad joogto South Africa waxaad tahay South Africaan ama Soomaali waaa in aan u hogaansanaa sharciga dalkaaan ,waxaad xasuusnaataan dadka ugu badan ee halkaan ku nool badankood waa Muslim ,Diinteena waxaa ay na bareysaa Quruxda iyo Nadaafada in aan ku dadaalno” ayuu yiri Duqa Ward 58

Xaafada Mayfair ayaa ah xarunta ganacsiga Soomaalida, waxaana dadka South Africaanka ah ay ugu yareeaan Muqdishadii yareyd .

 

Did you like this? Share it:

LEAVE A REPLY

Please enter your comment!
Please enter your name here