Owdiinle: Ciidamada xoogga dalka oo howlgallo qorsheysan ku dilay dhagar qabayaal ka tirsan Al-Shabaab

Ciidamada xoogga dalka ayaa howlgallo xoogan oo ka dhan ah maleeshiyada Al-Shabaab ka fuliyay deeaanka Owdiinle ee Gobolka Baay, halkaasi ay jab xoogan loogu geystay Al-Shabaab.

Howlgalkaan ayaa lagu qaarajiyay inta la ogyahay Saddex ka tirsan Maleeshiyaadka Argagixisada Al-Shabaab waxaana sidoo kale nolosha lagu qabtay Dhagarqabe ka tirsan Argagixisada, sida uu xaqiijiay Guddoomiya deegaanka Owdiinle oo la soo xiriiray Warbaahinta Qaranka.

Maamulka Owdiinle ayaa sheegay in howlgalkaan uu ka danbeeyay kaddib markii ciidanka qalabka sida ay weerareen goob Argagixisadu ay ku baadayeen shacabka  kaddib markii ay ogaadeen ciidamadu.

Wararka ayaa intaa ku daraya in ciidanka xoogga haatan ay ku suganyihiin goobta uu ka dhacay howlgalka, iyadoo argagixisada ay isaga carareen halka uu howlgalku ka dhacay, maadaama halkaasi loogu geystay jab xoogan.

Mudooyinkii ugu dambeeyay ayaa ciidanka xoogga dalka Soomaaliya waxay sii laba jibaareen howlgallada ka dhanka ah Argagixisada Nabad iyo nolol diidka ah ee Al-Shabaab, iyadoo howlgaladii ugu dambaysayna lagu gaarsiiyay Khasaaro aad u badan.

LEAVE A REPLY

Please enter your comment!
Please enter your name here