Q. M. oo soo dhaweysay dhaarinta baarlamanka cusub ee Galmudug

992

Qaramada Midoobay ayaa soo dhaweysay dhaarintii Baaralamka maamulka Galmudug oo shalay ka dhacday magaalada Cadaado.

War Qoraal ah oo uu soo saaray wakiilka xoghayaha guud ee Qarammada Midoobay Nicholas Kay ayaa lagu soo dhaweeyay dhaarinti mudanayaasha Barlamanka cusub ee Galmudug, taasoo shalay ka dhacday magaalada Cadaado ee gobolka Galgadud.

Kay ayaa soo dhaweeyay habsami u socodka howlaha shirka, isagoo rajo wwanaagsan ka muujiyay in shirkaasi uu ka dhasho maamul wanaagsan oo hanta mas’uuliyadda labada gobol ee Mudug iyo Galgaduud.

Nicholas Kay ayaa u rajeeyay baarlamanka cusub ee shalay la dhaariyay in uu noqdo mid guta howlaha adag ee loo igmaday, wuxuuna soo dhaweeyay habka loo soo xulay mudanayaasha Baarlamankaasi

Mr. Kay ayaa dowladda Federalka Soomaaaliya ugu hambalyeeyay dadaalkii dheeraa oo ay u gashay suurtagelinta shirka maamul u ameynta gobollada dhexe, isagoo dowladda Federaalka ku ammaanay waxqabadkeeda wanaagsan ee key aadan howlaha shirkaasi.

Hadalka Kay ayaa imaanaya iyadoo maalintii shalay mudayaasha cusub ee baarlamanka Galmudug lagu dhaariyay magaalada Cadaado iyodoo xafladdii dhaarinta uu goob joog ka ahaa guddoomiyaha Baarlamanka Soomaaliya Prof. Jawaari.

Did you like this? Share it:

LEAVE A REPLY

Please enter your comment!
Please enter your name here