Jaamacadda SIU oo safka hore ka gashay tayaynta tacliinta sare ee Soomaaliya “SAWIRRO”

0
7919

Xafllad si heer sare ah Maamulka Jaamacadda SIU usoo qabanqaabiyay ayaa maantay lagu qabtay Muqdisho. Xafladaan oo ay kasoo qayb galeen Wasiiro, Xildhibaanno, arday, waalidiin, aqoonyahano iyo marti sharaf kale ayaa waxaa  lagu sagootinayay in kabadan 80 arday oo ukala socdta Jaamcaddaha Makarere, University of Nairobi, Gulu University iyo Mbrara University of Science and Technology oo ku kala yaala Kenya iyo Uganda. Sidoo kale waxaa isla xafladaan lagu soo dhaweynayay 65 arday oo waxbarasho ku soo qaatay Jaamacaddo ku yaala bariga Afrika iyo sagootinta 12 macalin oo ka mid ah Jaamacadda SIU oo ayaguna takhasusaad dhakhtarnimo iyo Saynis iskugu jira Masters iyo Phd u aadi doona Jamacaddaha ay SIU xiriirka dhow la leeyihiin. Maahan markii ugu horeysay ee Jaamacadda SIU araday udirto dalka dibadiisa. Waxaay Jaamacaddu sanadihii lasoo dhaafay arday u kala dirtay dalalka Turkiga, Sudan, Kenya iyo Uganda.

Waa markii ugu horeysay ee Jaamacad kutaala dalka ay barnaamij nuucaan oo kale ah ay u samayso ardayda wax kabarata si loo soo saaro arday aqoon iyo xirfadba u leh takhasusaadka caafimaadka iyo technology-da.

Madaxa Arrimaha Waxbarashada ahna kusimaha Guddoomiyaha Jaamacadda SIU Prof. Dr C/risaaq Xasan Maxamed ayaa sheegay in hadafka guud ee loo aasaasay Jaamacada SIU uu ahaa in la soosaaro aqoonyahano soomaaliyeed oo leh aqoon, xirfad iyo akhlaaq wanaagsan, waxaana Jaamacadda SIU si ay arrinkaas uga dhabayso sedexdii sano ee lasoo dhaafay aad ugu dadaashay in xiriiro kala duwan la yeelato jaamacaddaha kala duwan oo ku yaala aduunka dacaladiisa, gaarahaan kuwa geeska Africa. Sidoo kale Jaamacadda SIU waxeey ku guuleysatay in ay aqoonsiyo heer caalamihi ku hesho kadib markii ay maalgelisay/diyaarisay manhaj iyo laabab casri ah si ay aqbalaad uga hesho hay’adaha qiimaynta ku sameeyo waxbarashada.

Waxaa marti sharaftii xaflada ka hadashay ay wada qireen in Jaamacadda SIU hormuud ay katahay tacliinta sare ee dalka ayna ka go’an tahay in ay tayo geliso tacliinta sare, iyada oo kaashanaysa jaamacaddaha kale ee soo jireenka ah isla markaana horumar kasameeyay xirfadaha iyo technolojiyada barashada iyo barista iyo cilmi barista.

Jaamacadda SIU waxeey goobta xaflada ka dhacaysay kusoo bandhigtay ardaydii soo dhamaysatay Jamacaddaha kala duwan oo ay xiriirka dhow leeyhiin waxaayna aad uga faaloodeen sidii ay uga faa’iideen barnaamijkaan arday, macalimiin iyo cilmibaaris isdhaafsiga ah.

Xildhibaan Dr. Cilmi Maxamuud Nuur iyo xildhibaan Mustaf Sheekh Cali Dhuxulow oo xafladda hadal kooban ka jeediyay ayaa xusay in maamulka Jaamacadda SIU ay ku guuleysteen sare u qaadidda tayaynta tacliinta sare, ayna la garab taaganyihiin taageero dhinac waliba leh maadama ay soo saarayan aqoonyahano waxtar u leh dadka iyo dalka.

Wasiir ku-xigeenka Wasaaradda Caafimaadka Cusmaan Maxamed Cabdi ayaa maamulka Jaamacadda u balanqaaday abaalmarin si loo dhiiri geliyo dadaalada Jaamacaddu ay wado so loo soosaro dhakhaatiir lahubo kana codsaday Jaamacadda in ay dhkhaatiirta usoo qalin jibasay Wasaardda kala shaqeeyaan sidii degmooyinka kala duwan ee dalka adeegya caaafimaad oo hufan looga heli lahaa.

Wasiir ku-xigeenka Wasaaradda waxbarashada iyo Tacliinta Sare Xaamud Cali Xasan ayaa hambalyo u jeediyay ardayda la soo dhaweeynayo, kuwa la sagootinayo iyo macalimiinta takhasusaadka loo dirayo wuxuuna xusay in sanadkii hore Maamulka Jaamacadda SIU Wassaraddu ay gudoonsiisay shahaado sharaf laxiiirta tayaynta tacliinta sare ayna Jaamcaddu dadaalo dheeri ah gelisay in ay gudato waaajibaadka kasaaran tayayna tacliinta.

Sanad ka hor mas’uuliyiinta Jaamacadda SIU ayaa waxbarasho dibada ah u diray arday ka mid ah Jaamacadda, taasi oo qeyb ka ah horumarinta tacliinta sare ee dalka.

DSCN3860 DSCN3867 DSCN3869 DSCN3871 DSCN3872 DSCN3873 DSCN3877 DSCN3882 DSCN3885 DSCN3888 DSCN3889 DSCN3890  DSCN3894 DSCN3895 DSCN3896 DSCN3911 DSCN3913 DSCN3915 DSCN3917 DSCN3918 DSCN3927 DSCN3929 DSCN3930 DSCN3931 DSCN3935 DSCN3936 DSCN3937   DSCN3948 DSCN3959 DSCN3962 DSCN3965 DSCN3967 DSCN3974 DSCN3980 DSCN3999 DSCN4002 DSCN4006 DSCN4024 DSCN4032 DSCN4034 DSCN4054 DSCN4066 DSCN4083 DSCN4099 DSCN4117  DSCN4126 DSCN4128 DSCN4130

Sawir qaade:- Farxaan Suleymaan Daahir 

 

 

 

 

Did you like this? Share it:

LEAVE A REPLY

Please enter your comment!
Please enter your name here