Qaramada Midoobay oo sheegtay in ka badan 50 kun oo Falastiiniyiin ah ay ku barakaceen duullaanka Israa’iil ee Gaza

Xafiiska Qaramada Midoobay u qaabilsan arrimaha beni’aadanimada ayaa shegay in 52 kun oo Falastiiniyiin ah ku barakaceen duullaanka Israa’il ku heyso magaalada Gaza.

Ciidamada cirka ee Israa’iil ayaa duqeyn ku dumiyay 450 dhismo oo ay deganaayeen dad rayid ah, taas oo sababtay in dad badan noqdaan hoy la’aan.

Afhayeenka xafiiska Qaramada Midoobay Jens Lerke ayaa sheegay in dad lagu qiyaasay  47,000 la dejiyay 58 iskuul oo ay maamusho Qaramada Midoobay, kuwaas oo ku yaal magaalada Gaza.

Afhayeenku wuxuu intaas ku daray in ciidmada Israa’iil ay duqeeyeen 6 isbitaal iyo xarumo kale oo dadka lagu caawiyo.

Dagaalkaan oo galay maalintiisi Sagaalaad, ayaa waxaa ku dhintay  213 qof oo ay ku jiraan 61 carruur iyo 36 haween ah.

Dadka ku dhaawacmay duqeymaha Israa’iil ee magaalada Gaza ee dhulka reer Falastiin ayaa kor u dhaafay 144  qof.

LEAVE A REPLY

Please enter your comment!
Please enter your name here