Qarax dad badan ku dhinteen oo ka dhacay Yemen

3024

Ugu yeraan 45 ruux ayaa geeriyootay kadib markii qarax gaari loo adeegsaday uu ka dhacay xero ciidan oo ku taala magaalada Cadan ee dalka Yemen, sida ay sheegeen ilo dhanka amniga ah.

Mid kamid ah saraakiisha amniga ee dalka Yemen ayaa wakaalada wararka ee AFP u sheegay in gaar laga soo buuxiyay walxaha qarxa lala beegsaday xero lagu tababaro ciidanka dalka Yemen subaxnimadii hore ee Isniintan maanta ah.

Dadka waxyeelada soo gaartay ayaa waxaa la dhigay isbitaal ay maamusho hey’adda  dhakhaatiirta aan sohdinta la heyd ee MSF kaas oo ku yaala magaalada koofurta dalkaasi ee Cadan, sidaa waxaa sheegay  wakaalada Reuters oo soo xiganaysa ilaha caafimaadka.

Ku dhowaad 60 ruux ayaa ku dhaawacmay qaraxa, iyadoo saraakiisha amniga ee dalka Yemen ay ku howlan yihiin sidii gurmad loogu fidin lahaa dadka waxyeelada soo gaartay.

Magaalada dekadda leh dalka Yemen ee Cadan ayaa fadhiisan KMG ah ku ah dowlada caalamku aqoonsan yahay ee uu hogaamiyo Cabdi Rabi Mansuur Haadi, kadib markii magaalada caasimadda dalkaas ay qabsadeen falaagada Xuuthiyiinta ah horaantii sanadka 2015.

In ka badan 6,600 oo ruux, oo intooda badan ay rayid ahaayeen ayaa ku dhintay dalka Yemen tan iyo bishii Maarso ee sanadkii 2015 kol kaas oo ay bilwodeen dagaalada u dhexeeyay dowladda Yemen iyo falaada Xuuthiyiinta, iyadoo 80 boqolkiiba tirada dadka Yemen ay u baahan yihiin gargaar bani’aadanimo sida ay qaramada midoobay aaminsan tahay.

 

Did you like this? Share it:

LEAVE A REPLY

Please enter your comment!
Please enter your name here