Qarax khasaare geystay oo Gaalkacyo ka dhacay

Inta la xaqiijiyay lix ruux ayaa ku geeriyootay tiro kalena waa ay ku dhaawacmeen kadib markii uu maanta qarax lala beegsaday mid kamid ah Hotelada magaalada Gaalkacyo sida ay sheegeen dad goobjoogiyaal ah.

Qaraxan oo sida la sheegay in uu fuliyay qof naftii halige ah kaas oo ka dhacay  Hotel lagu magacaabo Uunlaaye, oo ku yaala waqooyiga magaalada Gaalkacyo,waxaana dadka weerarkan ku dhintay kamid ahaa Allah u naxariistee Saciid Cali Yuusuf (Gaadiyare) oo ahaa madax maaliyadda u qaabilsan Puntland gobolka Mudug.

Wariyaha warbaahinta qaranka ee magaalada Gaalkacyo C/risaaq Maxamed Axmed, ayaa soo sheegaya in qaraxa kadib ay goobta soo gaareen ciidanka maamulka Puntland isla markaana baaritaano halkaa ay ka wadaan.

Ma jiro ilaa iyo hadda ma jiro wax war ah oo ka soo baxay laamaha amniga ee Puntland ee la xiriira qaraxan argagaxiso ee maanta ka dhacay magaalada Gaalkacyo.

Wixii warar ah ee ku soo kordha qaraxan halkan kala soco insha’alah.

LEAVE A REPLY

Please enter your comment!
Please enter your name here