Faah faahin ka soo baxaysa qarax ka dhacay Muqdisho “SAWIRRO”

2253

Labo qof ayaa ku dhimatay oo uu ku jiro qofkii isa soo midaamiyay qarax ka dhacay maqaayad ku taalla daarta Hooyooyinka ee degmada Xamar weyne, halka ay ku dhaawacmeen labo kale.

Dhagar qabe ka tirsan maleeshiyaadka Al-Shabaab oo isku soo xiray waxyaabaha qarxa ayaa la sheegay in uu goobta maqaayadda soo galay oo ay ku sugnaayeen koox wariyeyaal ah iyo dad kale oo goobta ka shaahiyeynayay.

Qaar ka mid ah wariyeyaashii ka badbaaday weerarka ismiidaaminta ah ayaa Warbaahinta Qaranka u sheegay in ay ka shakiyeen, isla markaana ay keentay inay goobta isaga cararaan, taasi oo fashilisay qorshihii uu ku doonayay in uu dadka ku laayo.

Saraakiisha amniga ayaa sheegay in labo qof ay goobta ku dhimatay oo uu ku jiray dhagar qabihii weerarka soo qaaday, halka labo kale ay ku dhaawacmeen.

Waa markii 3aad oo weerar ceynkaan oo kale ah lagu qaado maqaayadda ku taalla hooyooyinka ee degmada Xamar weyne.

DSC00002 DSC00003 DSC00007 DSC00008 DSC00009

Sawir Qaade:- Farxaan Suleymaan Daahir

Did you like this? Share it:

LEAVE A REPLY

Please enter your comment!
Please enter your name here