Qaxootiga Soomaaliyeed Ee Yemen Oo Xaalada Dhinaca Nolosha Ah Ka Cabanaya

1129

Qaxootiga Soomaaliyeed ee ku nool dalka Yemen ayaa waxaa la soo daristay xaalada dhanka Nolosha ah  oo aad u liidata, iyo cabsi ay ka qabaan in dhibaato ay ka soo gaarto duqeymo dhanka circka oo  kaga yimaada kooxaha mucaaradka ku ah Dowladda Yemen.

Wararka aan ka heleyno dalka Yemen ayaa sheegaya in xaalada dhanka nolosha ah ay soo food saartay qaxootiga Soomaaliyeed ee ku go’doonsan rabshadaha ka taagan Dalka Yemen, iyadoo dhibaatooyinkaasi ay ka mid yihiin in gaabsi ay noqdeen raashinka iyo biyaha oo aasaasi u ah nolosha aadanaha, waxaana la soo sheegayaa in dad gaajo darteed ay ugu geeriyoodeen dalkaasi.

Axmed Siid Axmed oo ka mid ah qaxootiga Yemen oo la hadlay Radio Muqdisho ayaa faah faahin ka bixiyay dhibaatada ku heysata dalkaasi, isagoo sheegay in dhibaato aan la soo koobi Karin ay ku heysato dalka ay ku go’doonsanyihiin ee Yemen, waxaana uu tilmaamay in xaalada dhinaca nolosha ay  ku heysato oo qaarkood ay ugu geeriyoodeen gaajo, ayna ugu sii darantahay wel wel xili kasta ay ka qabaan duqeymaha ka dhacaya dalkaasi in saameyn culus ay ku yeesheen.

Axmed Siid Axmed oo sii hadlay ayaa ugu baaqay Dowladda Soomaaliyeed iyo qof kasta oo wax heysta in uu u soo fidiyo gar gaar dhab ah oo xiligan ay u baahanyihiin.

 

Did you like this? Share it:

LEAVE A REPLY

Please enter your comment!
Please enter your name here