Qaxooti Yamaniyiin ah oo deeq raashiin ah la gaarsiiyay

0
1061

Deeqdan raashiinka ah oo uu gudiga samatabixinta qaxootiga Soomaaliyeed uu u qeybiyay dadka  Yamaniyiinta ah ee ka soo qaxay dalkooda ayaa  waxa  ay ka timid  hey’adda Islamic relief oo kamid ah hey’adaha samafalka ee ka howlgala dalka, waxa ayna ka koobneed  Bur, Bariis, Saliid, Sonkor, Caano, Boorash  iyo Tirmir kaaso  oo looga  qeybiyay  konton qoys  oo ah dadka yamaniyiinta ah oo ku nool degmada Shibis ee  gobolka Banaadir.

Qaar ak mid ah dadkii maanta ka faa’ideystay deeqadan ayaa ka  mahadceliyay deeqda ay soo gaarsiiyeen  gudiga  samatabixinta qaxootiga Soomaaliyeed  iyo hay’ada  Islamic relief.

Xoghayaha gudiga badbaadinta qaxootiga Soomaaliyeed  Dr Sakariye Maxamed Axmed [Hurre] oo  ka hadlay goobta ayaa ka warbixiyay deeqda ay soo gaarsiiyeen dadka walaalaha ah ee ka soo qaxay dalka  Yemen oo hadda ku sugan magaalada Muqdisho.

“Dadkan walaalaheena ah ee dhibaateysan inay wax u gartaan  runtii raashiinkan waxa uu ka kooban yahay Bur oo 15 kiilo ah Bariis oo 15 kiilo ah Sonkor oo 7 kiilo ah Saliid oo 3 Litir ah  Timir oo laba kilo ah  iyo Boorash oo Shan kiilo ah,  hay’adda  Islamic relief wey mahadsanyihiin  anaga ka gudiga  qaxootiga  ahaan waan ku wareejinay”, ayuu sheegay Hurre.

Gudoomiyaha degmada Shibis ee gobolka Banaadir  Axmed Muumin Axmed  aya ugu mahadceliyay hay’adda Islamic relief  iyo gudiga  badbaadinta qaxootiga Soomaliyeed  oo soo garsiiyay deeqda raashiinka ah dadka qaxootiga ah ee ka yimid dalka Yemen.

Tan iyo markii dagaalka uu ka qarxay dalka Yeman ayaa waxaa dalka Soomaaliya ku soo qulqulayay dadka ka soo baxsanaya colaadda ka oogan dalkaasi kuwaas oo isugu jira Soomaali iyo Yamaniyiin, iyadoo dadka Soomaaliyeedna ay u istaageen sidii dadkaasi loo caawin lahaa.

Did you like this? Share it:

LEAVE A REPLY

Please enter your comment!
Please enter your name here