Qeybaha bulshada ee gobolka Galgaduud oo u hambalyeeyay howlwadeenada Warbaahinta Qaranka

759

Bulshada Soomaaliyeed ee ku dhaqan degmada Dhuusa-mareeb ee gobolka Galgaduud, ayaa hambalyo u diray  howl-wadeennada Warbaahinta Qaranka oo u dabaal dagaya sanad guurada afaraad ee dib u howlgelinta Telefishinka Qaranka.

Qeybaha bulshada oo la hadlay Warbaahinta Qaranka ayaa sheegay inay aad ugu faraxsanyihiin inay hambalyo u diraan dhamaan howlwadeenada Warbaahinta Qaranka, iyagoo ku booriyay inay sii dar dargeliyaan howlaha ay bulshada u hayaan, waxaana ay Madaxda sare ee dowladda ka codsadeen in il gaar ah ku eegaan shaqaalaha ka howlgalla Warbaahinta.

Qaar ka mid ah dadkii la hadlay Warbaahinta Qaranka ayaa yiri; “Waxaan aad ugu faraxsanahay 4-ta April oo ah sanad guurada afaraad ee ka soo waregtay dib u howlgelinta Telefishinka Qaranka in aan halkaan uga hambalyeyno munaasabadan qiimaha badan leh shaqaalaha Warbaahinta Qaranka, waxaana kaloo tilmaameynaa inay yihiin shaqaale u diyaarsan inay bulshadooda u adeegaan”

Bulshada Soomaaliyeed ee ku nool gudaha dalka iyo dibadiisa ayaa sidoo kale hambalyo tan la mid ah u soo diray howlweenada Warbaahinta Qaranka.

Did you like this? Share it:

LEAVE A REPLY

Please enter your comment!
Please enter your name here