Qeybaha bulshada oo ka shiray Ceel laga qadayo duleedka degmada Xudur

Mashruucaan oo loogu magacdarey kasoo kabashada abaaraha bulshada ku dhaqan magaalada Xudur waxa siwada jir ah uga soo qeyb galay Maamulka Degmada Xuddur, Guddiga loo igmaday mashruucaan, shaqaalaha ACF iyo waxgaradka, waxana qabsoomidiisa isla kaashanaya Shaqadoon, hay’adda ACF iyo Bulshada reer Xudur, waana mashruuc wax looga qabanayo biyo la’aanta ka jirta degmada oo saamayn ku yeelata nolosha dadka iyo duuyadaba xilliga roobabka ay yar yihiin.

 

Ugu horeyn waxa faafaahin ka bixiyay hirgelinta mashruucaan wakiila shaqodoon ee degmada Xudur Ciise Aadan Nuur wuxuna sheegey in bulshada looga baahan yahay in ay bixiyaan 50% taas oo ah kalabar dhaqaalaha ku baxayo mashruuca qodista Ceel-riiga oo laga qodayo duleedka magaalada.

Guddoomiyaha Degmada Xudur Maxamed Macalin oo daahfurey mashruuca ayaa bulshada ugu baaqey in ay ka qeyb qaataan horumarada ka socda deegaanka, isagoo dhinaca kalena baaq u direy Jaaliyadaha ka soo jeeda gobolka Bakool in kaalin tooda ay ka qaataan saamiga 50% ka ah ee bulshada lagarabo.

Qeybihii kalad uwanaa ee bulshadii ka soo qeyb galay munaasabadaan loogu magacdarey daahfurka ka soo kabashada abaaraha ee degmada Xudur ayaa aad u soo dhoweeyey, isla markaana balan qaadey in ay garab istaagayaan fulinta mashruucaan.

Intaa kadib Wasiirka Wasaaradda Arimaha Gudaha dowlad Goboleedka Koonfur Galbeed ee Soomaaliya  Maxamed Noor Madoobe Nuunow iyo Guddoomiyaha Degmada Xuddur Maxamed Macalin ayaa si wadir ah u dhagax dhigey Ceelka laga qodayo degmada Xudur.

Mashruucaan ayaa hordhac u ah mashaariicyo kala duwan oo sadankaan horaantiisa laga fulin doono magaalada Xudur, hadii lagu guileysto hergelinta mashruucaan lagu qodayo Ceel-riigaan waxa yaraan doona dhibaatada biyo la’aaneed ee ka taagan xaafadaha iyo beeraha ku teedsan magaalada Xudur waa hadii biyo gelin loogu sameeyo.

LEAVE A REPLY

Please enter your comment!
Please enter your name here