Qeybinta Buugaagta Manhajka Waxbarashada dalka oo lagu soo gabo gabeeyay Muqdisho “SAWIRRO”

Agaasimaha Waaxda Dugsiyada dalka Muuse Maxamed Caraale oo ay wehliyaan shaqaale ka tirsan Wasaaradda Waxbarashada ayaa maanta soo gaba gabeyay bixinta buugaagta Manhajka Waxbarashada dalka oo uu dhawaan daah furay Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo.

Agaasimaha iyo howlwadeennada Wasaaradda Waxbarashada ayaa ku guuleystay in muddo 8 cisho ah ay si lacag la’aan ah ugu qeybiyaan  afar boqol sodon iyo lix iskuul (436) iskuul oo ku yaala Gobalka Banaadir.

Iskuullada sida lacag la’aanta ah loogu qeybiyay buugaagta Manhajka Waxbarashada ayaa isugu jira iskuulada dowladda iyo kuwa sida gaarka ah loo leeyahay ee ku yaala Gobalka Banaadir., si ay uga faa’iideystaan carruurta Soomaaliyeed.

Wasaaradda Waxbarashada ee Xukuumadda Soomaaliya ayaa waddo qorshe lagu qeybinayo buugaagta Manhajka Waxbarashada dalka, si loo gaarsiiyo guud ahaan xarumaha waxbarasho ee ku yaala Gobollada dalka.

 

LEAVE A REPLY

Please enter your comment!
Please enter your name here