Qeybta Takhasusaadka sare (Master) ee jaamacadda SIMAD oo arday cusub qabatay-SAWIRRO

2133

Xarunta Daraasaadka Sare ee Jaamacadda SIMAD ayaa waxa ay maanta qabatay xaflad ay ku soo dhaweyneysay ardayda cusub ee dhawaan la diiwaan geliyay. Ardayda lasoo dhaweynayay ayaa isugu jiray dufcadii 9aad ee Darajada Sare ee Maamulka Ganacsiga (Master of Business Administration) iyo dufcadii 4aad ee Darajada Sare ee Maamulka Mashaaricda (Master of Project Management).

Waxaa ugu horeyn daah furay xaflada Dr. Cali Yaasiin Sheekh Cali, oo ah Agaasimaha Xarunta Daraasaadka Sare. Waxaa uu sheegay in ardayda ay kuso dhawaadaan fursadaan ay ku helayaan ayagoo dalkooda jooga. “Kusoo dhawaada fursad ay adkayd in sanado ka hor laga helo dalka. Maanta fursadaas waa dhab oo way idin hortaalaa. Kaliya waxa dhimman waa idinkoo la yimaada dadaal muuqda,” ayuu yiri Dr. Cali Yaasiin.

Waxaa sidoo kale goobta ka hadlay Mustaf Maxamed Macalin Nuur oo matalayay ardayda horay uga baxday Xarunta CPS-ka. Waxaa uu sheegay in barnaamijkaan waxbarashada ee ay dalka keentay Jaamacadda SIMAD uu ka gudbay tijaabada, hadana uu ku jiro xiligii ay si buuxda ugu faa’iidaysan lahaayeen bahweynta waxbarashada. Waxaa uu yiri “Kaliya u diyaar garooba inaad waqti badan ku bixisaan howsha idin hortaalo. Maxaa yeelay barnaamijkaan waa mid xaqiiqsan oo la hubiyay.”

Waxaa gebagabadii xaflada ka hadlay Daahir Xassan Carab oo ah Gudoomiyaha Jaamacadda SIMAD. Waxaa uu sheegay in mar walba Jaamacadda SIMAD ay u taagan tahay inay buuxiso booska baahida mihnadeed ee dalkaan mar walba.  “SIMAD waxaa ay astaan mar walba u ahayd buuxinta baahida jirta markaas.” Sidaas waxaa yiri gudoomiyaha jaamacadda.

Xafladda waxaa lagu soo gebegabeeyay suaalo ay ardayda cusub waydiiyeen maamulka Xarunta Daraasaadka Sare iyo macalimiinta.

IMG_0007 IMG_0019 IMG_0034 IMG_0038 IMG_0039 IMG_0066 IMG_0084 IMG_0091

 

Xigasho: SIMAD University

Did you like this? Share it:

LEAVE A REPLY

Please enter your comment!
Please enter your name here