Qeybtii 2-aad ee Maxaabiis laga soo daayay Xabsiyada Liibiya oo Muqdisho ku soo Wajahan+Sawirro

0
1542

Safiirka Soomaaliya ee Midowga Yurub Cali Siciid Fiqi oo u waramayay Wakaaladda SONNA ayaa faah faahin ka bixiyay qeybtii labaad ee maxaabiis Dowladda Soomaaliya ay ka soo deysay xabsiyada Dalka Liibiya,kuwaasi oo soo amba baxay.

Danjire Cai Siciid ayaa xusay in haatan 13 qof oo kamid ah qeybtii labaad ee Maxaabiistaasi ay diyaarada ka soo qaaday Magaalada Tripoli ee Dalka Liibiya,kuwaasi oo kusoo wajahan Soomaaliya.

“Waxaa Garoonka magaalada Tripoli ee Liibiya ku sagootinay 13 qof oo dhalinyaro ah oo laga soo bixiyay Xabsiyada Taruja iyo Ziika, sedex iyo tobankaasi dhalinyaro Xamar ayay ku soo socdaan, waxay soo marayaan Tunis, kadib Istanbul kadib Xamar ayay beri ku soo wajahanyihiin, 48 kale oo hadda isqortay oo hawshooda ay diyaar yihiin waxaan rajaynaynaa in Isbuuca soo socda ay soo amba baxaan,halmar diyaarad looma heli karo oo ay ku wada imaan karaan, sidaasi ayaa loo kala qaadaa”. Ayuu Yiri AMb. Fiqi.

Cali Siciid Fiqi Safiirka Soomaaliya ee Midowga Yurub ayaa xusay in dadkan la soo daayay ay yihiin kuwii ku jiray xabsiyada ku yaala goobaha ay gacanta ku hayso Dowladda Liibiya, isagoo xusay in kuwa kale ee kujira gacanta magafayaasha aan loo tagi Karin sababo dhanka ammaanka laxiriira.

Dowladda Soomaaliya ayaa dadaal ugu jirto sidii loo soo deyn lahaa dhamaan muwaadiniinta Soomaaliyeed oo ku jira xabsiyo kuyaala dalalka Caalamka, Maalin ka hor ayay ahayd markii Garoonka Diyaaradaha Muqdisho laga soo dejiyay 76 qof oo ahaa tiradii ugu dambeysay maxaabiis in muddo ah ku xirnayd xabsiyada Dalka India.

Horey waxay Dowladdu u soo deysay maxaabiis ku jirtay Xabsiyada wadamo kale,sida Itoobiya iyo Jasiiradda Seychelles, waana markii ugu horeysay tiro intaasi la eg oo maxaabiis Soomaaliyeed ah laga soo daayo xabsiyada Caalamka.

Did you like this? Share it:

LEAVE A REPLY

Please enter your comment!
Please enter your name here