QM oo dowladaha Qadar iyo Imaaraat-ka ku ammaantay taakulaynta Falastiin

1401

Qaramada midoobay ayaa ugu mahadcelisay waddamada Qatar iyo Imaaraadka Carabta deeq lagaceed oo ay gaarsiiyeen shacabka reer Falastiin ee ku tabaalaysan Magaalada go’doonka ah ee Gaz.

Dowladda Qadar ayaa Talaadadii aynu kasoo gudubnay ugu deeqday Gaza $ 9 milyan oo doollar-ka Maraykanka ah, halka Imraatkuna uu ugu deeqay $ 2 milyan oo doollar, ka dib markii Qaramada Midoobay ay ka digtay dhibaatooyinka ba’an ee taagan Gaza.

Jimciyadda quruumaha ka dhaxaysa ayaa walaac xooggan ka muujisay xaaladaha nololeed ee Magaalada Gaza iyo xayiraadda xagga shidaalka ee saaran Falastiiniyiinta ku nool halkaasi.

Bayaan kasoo baxay xafiiska Jimciyadda Qaramada midoobay u qaabbilsan Bini’aaddannimada ee UN-OCHA ayaa lagu sheegay in 10 maalmood gudahood xarumo shidaal lagaga hirgelin doono Gaza.

Xafiiska Qaramada Midoobay u qaabbilsan Bini’aaddannimada ee OCHA ayaa sheegay in si deg-deg ah loogu baahan yahay $ 6.5 milyan , si loo helo 7.7 milyan oo litir oo xarumo shidaal ah , kuwaasoo laga higelinayo Magaalada Gaza Sanadkan gudahiisa, taasoo qayb ka ah soo nooleynta adeegyadii burburay.

Gudoomiyaha guddiga dib-u-dhiska Gaza ayaa ku dhawaaqay in Amiirka Qatar Sheikh Tamim bin Hamad Al Thani uu amray in gargaar degdeg ah uu u diro Gaza, kaas oo qiimihiisu yahay $ 9 milyan oo Dollar.

Dowladda Qatar ayaa Sanadihii ugu dambeeyay ka wadday Magaalada Gaza mashaariic badan oo dib-u-dhis ah, iyadoo halkaasi ka hirgelisay Waddooyin iyo Isbitaallo.

SONNA

Did you like this? Share it:

LEAVE A REPLY

Please enter your comment!
Please enter your name here