Qof rayid ah oo ku dhintay weerar ka dhacay Boosaaso

Hal qof ayaa ku dhintay laba kalena waa ay ku dhaawacmeen xalay abaara sideeddii fiidnimo markii rag hubeysan ay weerareen goob ay ku sugnaayeen ciidamo la sheegay inay ilaalo u ahaayeen, Guddoomiyihii hore ee laanta canshuuraha berrriga ee gobolka Bari, Ibrahim Maxamed Jige.

Sida ay kusoo waramayaan Wariyaasheen gobolka Bari weerarkan oo ka dhacay Isgoyska Afar Irdoodka ee magaalada Boosaaso, ayaa waxaa ku dhintay mid ka mid ah ilaalada, Guddoomiyihii hore ee laanta canshuuraha Berriga gobolka Bari, Ibrahim Maxamed Jige, waxaana ku dhaawacmay mid kale, iyo qof rayid ah.

Sarakiisha Aminiga ee gobolka ayaa sheegay inay wadaan baaris la xiriirta ragga weerarka geystay, si cadaaladda loo horkeeno.

Maleeshiyada Al-shabaab ee ku dhulmaaleysanaya Buuraha Galgala ayaa la aamisan yahay inay ka dambeeyeen weerarka, iyadda Hay’adaha ammaanka Puntland ay wadaan howlgallo ka dhan ah Al-Shabaab.

Kooxda Shabaab ayaa kadib markii ay ku jabeen dagaalada Koofurta iyo Bartamaha Soomaaliya, waxa ay qaarkood u firxadeen deegaanada maamulka Puntland.

LEAVE A REPLY

Please enter your comment!
Please enter your name here