Qoysas danyar ah oo deeq Raashin ah loogu Qeybiyay Gaalkacyo “Sawirro”

Deeqdan Zakaatul fidriga ah oo ay soo dhiibeen dad Soomaaliyeed oo ku nool dalka dibadiisa ayaa maanta loo qeybiyay in ka badan 400  oo ruux oo isugu jira agoon naafo iyo dad danyar ah oo ku nool magaalada Galkacyo ee xarunta gobalka Mudug.

Xabiibo Maxamuud Cabdi Koofuroow oo iyadu wakiil u aheeyd ururka xanaano oo deeqdaan loo soo marsiiyaya dadkaan ka faa iideeystay ayaa warbaahinta qaranka uga warbixisay deeqdaan cidda soo dhiibtay iyo dadka loogu talagalaya.

Waxaa maanta halkaan ku bixineeynaa raashinkii fidrada ahaa ee ay soo dhiibeen dadka walaalaha ee muslimiinta ah ee ku nool dibadda ayna usoo dhiibeen dadka masaakiinta ah ee agoonta ah ee cuuryaamiinta ah in la siiyo raashinka dadka in la siiyo aan ugu talagalnay waa caruurta agoonta ee ay xanaaneeyaan uruirka xanaano iyo wixii kasoo hara oo aan ugu talagalnay ineey qaataan dadka cuuryaamiinta ah iyo dadka masaakiintaa ee dabkodu seexaday.

Duqa dagmada Galkacyo Bile Diini cali oo isna madasha ka hadlay ayaa ugu baaqay hay’addaha iyo dadkawax heystaa in aay u gar gaaraan dadka danyartaa ee ku nool magaalada Galkacyo ee xaarunta Gobalka mudug

NGO-yada iyo hay adaha caawiya dadka danyartaa sida agoonta iyo dadka cuuryaamiintaa waa ineey dadkaan in gaara kusoo eegaan waxaadba moodaa in dadka masaakiinta ee galkacyo ku nool hay aduhu aysan fiirin meeshaan waxaa ku nool markey u yaraato ilaa toban kun oo qof oo ka kooban Agoon iyo dadwaayeel ah oo aan waxba heysan iyo dad cuuryaamiin ah sidaa awgeed waxaan baaq hawada u marinayaa mar labaad iyo mar sadaxaadba in dadkaas il gooni lagu fiiriyo.

Deeqdaan Zakaatul fidrigaa ayaa qeyb ka ah deeqaha zakaatul fidrigaa oo xiliyadaan oo kale la siiyo dadka masaakiinta ee ku nool caalamka islaamka.

HBN (1) HBN (2) HBN (3) HBN (4) HBN (5) HBN (6) HBN (7) HBN (8) HBN (9) HBN (10)

LEAVE A REPLY

Please enter your comment!
Please enter your name here