Qoysas Uu Saameyay Roobab Ka Da’ay Jowhar Oo Codsaday In Gurmad Beni’aadanimo Loo Fidiyo “SAWIRRO”

Roobab ka da’ay Caasimadda Hirshabeele ee Jowhar ayaa saameeyn ku yeeshay dadka danyarta ah ee ku nool gudaha magaalada Jowhar

Iyadoo maalmihii la soo dhaafay roobab si isdaba jooga ah uga da’ayay gudaha caasimadda Hirshabeelle.ee magaalada Jowhar,ayaa saameyn aad ku yeeshay qoysaska danyarta ah ee ku noolaa guryaha ka sameeysan carshaanta, waxaana gudaha u galay daadadkii ka soo rogmaday roobka.

Qaar ka mida dadka uu roobka saameeyay ayaa warbaahinta Qaranka u sheeegay in imnka guryahooda uu soo galay biyo, waxayna baaq u direen dowlad gobaleedka Hirshabeelle iyo Madaxda Dowladda Federaalka Soomaaliya, si loo soo gaarsiiyo waxyaabo ay hooy iyo gabaad uga dhigtaan roobka iyo dhaxanta.

Dadkaani biyaha roobabka ay saameynta ku yeesheen ayaa u barakacay qaybo ka mid ah gudaha magaalada Jowhar oo ay ku noolyihiin eheladooda iyo meelo kale oo ka baxsan magaalada.

LEAVE A REPLY

Please enter your comment!
Please enter your name here