Qoyska Hooyo Xakiimo Cismaan oo wiilkooda ku waayay qaraxii 14-kii bishan (Xanuunkii uu reebay Qaraxa)

1628

Qoyska Hooyo Xakiimo Cismaan Jimcaale waxaa Qaraxii Isgoyska 14-ka Oktoobar Ex-Zoobe uga dhintay Wiilkeeda Cali Daahir Kulane, Cali wuxuu Yaanyo ku gadi jiray xaafadda Seeybiyaano ee Degmada Hodan, waxaana uu subax kasta kasoo kalihi jiray Degmada Kaxda oo ay reerkiisa deganyihiin.

Allaha u naxariistee Marxuun Cali Daahir waxaa markii uu qaraxa dhacayay uu ka soo tagay miiskiisa Yaanyada, waxaana uu u soo socday Suuqa Bakaaraha oo uu adeeg ka soo gadan rabay, waxaana marka uu marayo Isgoyska Qaraxa uu ka dhacay uu la kulmay qaraxii halkaas ayuuna ku geeriyooday.

Sida Sawirka Hoose idiinkaga Muuqata Cali waxaa uu Masruufi jiray oo u shaqeyn jiray Aabihiis Daahir Kulane oo ah ruuxa sariirta saaran, ahna ruux xanuunsan iyo Hooyadiis oo heesa dhowr carruur ah oo walaalihiis ka dhinteyn, sida Hooyo Xakiima ay ii sheegtay.

Hooyo Xakiimo waxaa sidoo kale ay ku warantay in Cali uu lahaa Xaas una dhashay saddex carruur ah iyo mid ay hadda uurka ku siddo, ayagana uu asaga masruufi jiray.

Allaha Unaxriistee Geerida Cali cidna ogama danbeyn guriga Hooyo Xakiimo, ilaa hadana wax dab ah lagama shidin ileyn isagaa u shaqeyn jiray, mana jirto cid kaalmeesay ilaa iyo iminka.

Guriga Hooyo Xakiimo waxaa hada jooga Aabe Daahir Kulane oo ah qof Xanuunsan oo sariir saaran, wax aan caano aheyna aanan quudan, carruur uu ka dhintay Cali walaakiis, Wiilka yar ee dhabta u saaran Hooyo Xakiimo oo ay dhashay gabar dhashay oo ku xanuunsan Sacuudiga, Xaaska iyo Carruurta uu Cali ka dhintay oo marka la isku daro noqonaya 15ruux, Guriga eedaganyihina waa labo Aqal oo buushash ah waxaana udhisay dadka xaafadda oo lacag u aruuriyay hadda kahor.

Sidoo kale Waxaa Magaalada ku nool wiilkale oo Hooyo Xakiimo ay dhashay oo qaba Cudurka qalalka kaas oo dad ehel ah la nool balse Xaafadda aan ku nooleyn.

Fadlan Caawi Reerkan Dhibaateysan oo ku nool Degmada Kaxda ee Magaalada Muqdisho kalana Xariir Hooyo Xakiimo Cismaan Jimcaacle oo laga helo taleefankan 00252-615215392.

W/Q: Cabdifataax Arizona

Did you like this? Share it:

LEAVE A REPLY

Please enter your comment!
Please enter your name here