Qunsul Cali Begadi oo Booqday Maxaabiis Soomaaliyeed oo Lagu Eedeeyay inay sharci daro ku soo galeen Kenya

Qunsulka Safaarada Soomaaliya ee Dalkani kenya mudane Cali Maxamed Shiikh (Cali Begadi) ayaa saldhiga Buruburu ee magaalada Nairobi ku booqday 11 maxaabiis Soomaaliyeed,kuwaasi oo la soo qabtay,iyagoo si sharci dara ah dalka ku soo galaayo.

Maxaabiistani oo isugu jira 7-gabdhood iyo 4-wiil ayaa waxaa laga soo qabtay deegaanka Isiolo oo ay xabsi ku yaala deegaankaasi ku xirnaayen mudo 3-bilood ah,waxana xukun maxkamadeed ka dib loo soo wareeejiyay Xabsiga Buriburi ee ku yaala magaalada Nairobi.

Qunsullka oo Maxabiista kala sheekeystay Xaaladooda iyo marxaladihii ay soo mareen mudadii ay xirnaayeen,waxana uu xusay inay Maxaabiista nidiideen in dib loogu celiyo Soomaaliya,islamarkaana safaarada ay codsadeen inay ka caawiso sidii ay ugu wareejin lahayd Hay’adda qaramada midoobay u qaabilsan qaxootiga UNHCR.

Cali Maxamed Shiikh Cali Bagadi qunsulka Safaarada Soomaaliya ee Dalka kenya ayaa waxa uu u balan qaaday maxaabiistani in uu ka shaqeyn doono qaabkii Xabsiga looga saari lahaa oo ay dib xoriyadooda ugu heli lahaayeen,isagoona ugu baaqay Hay’adda UNHCR inay maxaabiistani siiso waraaqaha aqoonsi qaxootinimo.

LEAVE A REPLY

Please enter your comment!
Please enter your name here