R.W Cabdiweli oo Cambaareeyey Qaraxii ka dhacay Magaalada Baydhabo

1164

PM

Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed ayaa si kulul u canbaareeyey weerarka argagaxiso ee lagu bartilmaameedsaday dad rayid ahaa oo ku sugnaa maqaaxi laga shaaheeyo oo ku taalla magaalada Baydhabo,

Ra’iisul Wasaaraha ayaa sheegay in weerarada noocan ah ay ka baxsan yihiin dhammaan dhaqanka diinta Islaamka iyo damiirka bani aadantinimada, waxaana uu ugu baaqay dadka Soomaaliyeed inay hal meel uga soo wada jeensadaan la dagaalanka dadka caadeystay daadinta dhiigooda.

“Tallaabadani waxay ka tarjumeysaa ujeedooyinka gurracan ee kooxaha nabad-diidku ku doonayaan inay ku dhaawacaan dareenka dadka Soomaaliyeed si ay uga niyad jebiyaan rajada nabadda iyo dawladnimada wuxuuna caddeeyey Raysal Wasaaruhu in weerarada noocan ah aanay shacabka Soomaaliyeed ka leeexin doonin waddada horumarka iyo dawladnimada” ayuu yiri RW Cabdiwali.

Ugu Daynabytii Ra’iisul Wasaaruhu ayaa tacsi u diray dhammaan dadkii ku dhintay weerakan lagu qaaday dadka rayidka ah, waxan uu Illaah uga baryey inuu janadiisa ka waraabiyo isagoo intii dhaawacantayna u rajeeyey iney ka bogsadaan dhaawaca.

Did you like this? Share it:

LEAVE A REPLY

Please enter your comment!
Please enter your name here