R.W. Cumar oo kulamo kula qaatay Dhuusamareeb Odayaasha dhaqanka iyo maamulka gobolka “Sawirro”

0
3348

Dhuusamareb March 7, 2015…Ra’iisul Wasaaraha Xukuumadda Federalka Soomaaliya Mudane Cumar C/rashiid Cali Sharmaarke iyo wafdi uu hoggaaminayo oo ay ka mid yihiin, Wasiirka Arrimaha Gudaha, Wasiirka Qorshaynta iyo Iskaashiga Caalamiga ah, Wasiir dowlaha xafiiska R.W, Wasiiru dowlaha Amniga, xubno kamid Baarlamanka Soomaaliya iyo Siyaasiyiin kasoo jeeda gobolada dhexe ayaa maanta soo gaaray magaalada Dhuusamareb ee xarunta gobolka Galgaduud. Waxaana si diiran ugu soo dhaweeyay garoonka Diyaaradaha Ugaas Nuur masuuliyiinta gobolka Galgaduud iyo dadweyne faro badan.

Ra’iisul Wasaaraha ayaa loo galbiyay xarunta uu ka socdo shirka dib u heshiisiinta Gobollada dhexe halkaas oo uu kulamo kula qaatay ergadii ka qayb galaysay shirka iyo maamulka Gobolka.

Qaar kamid ah Odayaasha dhaqanka ee shirka nabadeyntu uga socday degmada Dhuusamareb ayaa uga mahadceliyey Ra’iisul Wasaraha Booqashadiisa, waxaana ay ka codsadeen dowladdu in ay gacan ku siiso dhamaystirka howlaha dhiman.

Ra’iisul Wasaare Cumar oo ka hadlayey xarunta shirku ka socday ayaa sheegay inuu indhahiisa ku arkey sida shacabka, siyaasiyiinta iyo qeybaha kale ee bulshada ay uga go’an tahay inay is cafiyaan, mustaqbal wanaagsanna u horseedaan degaannada gobollada dhexe.

“Gobollada dhexe ee Soomaaliya muhimad gaar ah ayay u leeyihiin nabadeynta dalka iyo dhismaha mustaqbal wanaagsan oo shacabkeenna ay ku faanaan. Waa muhiim midnimada dadka deegaanka, dowladda dhexe waxay si gaar ah xil isaga saareysaa sidii loo gaari lahaa, maamul iyo kala dambeyn, nidaamkaas oo ah kan keliya ee horumar lagu gaari karo” ayuu yiri RW Cumar oo dhanka kalana sheegay in xukuumadu ay balan qaadayso intii awoodeeda ah iney gacan ku siiso dadka ku dhaqan gobolada dhexe sidii ay u xaqiijin lahaayeen nabad waarta oo ka dhalata deeganadooda’’ ayuu yiri R/Wasaare Cumar.

Ugu danbeyn, Ra’iisul Wasaare Cumar C/Rashid ayaa dhiirgeliyey dadaallada Nabada loogu raadinayo ee Xukuumaddu ka wado Guriceel, wuxuna timlmaamay heshiiskii dhawaan la saxiixay in u jeedkiisu ahaa in bulshadu ay si nabad ah u wada noolaato, waxaana la filayaa in Ra’iisul Wasaaruhu uu caawa kulamo gooni gooni ah la qaadan doonaa odayaasha dhaqanka iyo Maamulka gobolka Galgaduud.
201537635613227476161968Sharma'arke_oo_ tagay_Dhuuso-mareeb (1)

201537635613228103178785Sharma'arke_oo_ tagay_Dhuuso-mareeb (2)

unnamed

unnamed (1)

unnamed (2)

unnamed (3)

unnamed (4)

unnamed (5)

unnamed (6)

unnamed (7)

unnamed (8)

unnamed (9)

unnamed (10)

unnamed (11)

unnamed (12)

unnamed (13)

Did you like this? Share it:

LEAVE A REPLY

Please enter your comment!
Please enter your name here