R/wasaaraha Dalka Ingiriiska oo isbitaal la dhigay.

Ra’iisul wasaaraha Dalka Britain Boris Johnson ayaa xalay la dhigay isbital kuyaala magaalada London ee xarunta Dalkaasi Ingiriiska,kadib markii laga heley cudurka Corona-virus,waxaana si tijaabo ahaan loogu hayn doonaan isbitalka muddo dhan 10 maalmood,sida uu ku wargeliyay dhaqtarkiisa gaarka ah.

Haweeney afhayeenad ah oo shaacisay war ka soo baxay aqalka Down Street ayaa xustay in ra’iisul wasaare Boris Johnson uu baaqi ku si ahaan doono isbitaalka muddo 10 maalmood ah,isagoo maraya tijaabooyin ku aadan baxnaaninta cudurkan halista ah ee Covid-19.

Wuxuu u mahadceliyay ra’iisul wasaaraha dalkaasi Ingiriiska ee la xanuunsanaya Viruska-Corona howlwadeenada dowladda shaqada adag oo ay hayaan,wuxuuna bogaadiyay dhaqan gelinta in dadku ay baaqi ku sii ahaadaan guryohooda,si looga bad baado fiditaanka cudurkan.

Ra’iisul wasaare Boris ayaa sii wadanaya mas’uuliyadiisa shaqo,balse xog-hayaha arrimaha dibadda ee Britain ayaa la filayaa in uu shir guddoomiye kulan looga hadlayo arrimaha Covid-19 oo dhacaya maanta oo Isniin ah.

Dhanka kale madaxweynaha Mareykanka Donald Jey Trump ayaa caafimaad deg deg ah u rajeeyay Mr Boris,wuxuuna sheegay in uu yahay saaxiib aad u wanaagsan,isagoo intaasi ku daray in shacabka mareykanka dhamaan ay garab taagan yihiin.

Ra’iisul wasaaraha Dalka Britain Boris Johnson ayaa ku karantiilnaa gurigiisa tan iyo 27 March markii laga heley Cudurka Covid-19,markii ugu horeysay ayuu khamiistii la hadlay dadweynaha

LEAVE A REPLY

Please enter your comment!
Please enter your name here