R/Wasaare Kheyre “Hadii dadkeenna dalkaan usoo dhibaatoobay oo xirriyadda nagu wareejiyay aanan qiimeyn macnaheedu waxa ay tahay in dalka aanan qiimeyn”

Ra’iisul Wasaaraha xukuumadda federaalka Soomaaliya (XFS) mudane Xasan Cali Khayre oo la hadlay qaar kamid ah dhallinyarada magaalada Gaalkacyo ee xarunta gobalka Mudug ayaa ballan qaaday in dowladdu ay wax ka qaybaneyso baahiyaha garoonka kubbadda cagta Cabdullaahi Ciise.

Dhismaha garoonka kubdda Cagta Cabdullaahi Ciise ee magaalada Gaalkacyo, ayuu Ra’iisul Wasaaruhu sheegay in lagu maamuusayo Ra’iisul Wasaarihii hore ee Soomaaliya Cabdullaahi Ciise oo kamid ahaa halgamayaashii dhaliyay xornimada dalka.

“Garoonka waxaa loogu magac daray halyaay Soomaaliyeed. Hadii dadka xornimada dhaliyay aan qiimeyn wayno macnaheedu wax ay tahay in dalka aan qiimeyn waynay, marka waa muhiim meesha Allaha u naxariistee Cabdullaahi Ciise uu ku magacaabanyahay in la qurxiyo oo la wayneeyo”, ayuu yiri Ra’iisul Wasaare Xasan Cali Khayre.

Ra’iisul Wasaaraha ayaa bulshada Soomaaliyeed ku boorriyay in aysan sugin dowladda kaliya ee iyagu ay billaabaan dib-u-dhiska iyo horumarinta dalka.

LEAVE A REPLY

Please enter your comment!
Please enter your name here