Raashin loo qeybiyay qoysas danyar ah oo ku nool degmada Cabuudwaaq

334

Raashin gargaar ah ayaa loo qeybiyay dad danyar ah oo ku tabaaleeysan xerooyinka loo yaqaano Kaamamka ee ku yaala magaalada Cabuudwaaq ee gobolka Galgaduud.

Deeqdaan Raashinka ah oo ka timid Dowlada Turkiga ayaa ka koobneyd 520 Kortoon oo ay ku jiraan Bariis, Bur, Saliid iyo Baasto waxaana loo qaybiyay toban kaam oo ah kuwii ku soo barakacay abaarta iyo xubno ka tirsan ururka naafada demgada Caabudwaaq.

Gudoomiyaha Guddiga Gurmadka Abaaraha magaalada Caabudwaaq Caaqil Axmed Haaraa ayaa sheegay in deeqdaan ay ka faa’iideysteen dad farabadan oo danyar ah iyo kuwo naafo ah, wuxuuna uga mahadceliyay dowladda Turkiya deeqdan ay soo gaarsiisay degmada Cabuudwaaq.

Dadka deeqdan la gaarsiiyay ee ku nool degmada Cabuudwaaq ayaa dhinacooda ka mahadceliyay Deeqdaan la soo gaarsiiyay kuwaas oo ku soo barakacay abaarta ka jirta dalkeena.

Did you like this? Share it:

LEAVE A REPLY

Please enter your comment!
Please enter your name here