Ra’iisalwasaare Xigeenka Soomaaliya Oo Saxiixay Buug Tacsiyeed Safaaradda Jabuuti Looga Furay R/W Hore ee Dalkaasi Marxuum Barkat Gourad

 Ra’iisal Wasaare ku xigeenka Dalka Md. Mahdi Mohamed Gulled (Khadar) ayaa saxiixay buug tacsiyeed Safaaradda Jabuuti ku leedahay Soomaaliya ee Muqdisho looga furay R/Wasaarihii hore ee Jabuuti Marxuum Barkat Gourad oo dalka Faransiiska ku geeriyooday.

Avv. Mahdi ku xigeenka Ra’iisalwasaaraha Soomaaliya ayaa xusay in Marxuumku door weyn ka ciyaaray dib u heshiisiinta shacabka Soomaaliyeed, bud dhigna uu ahaa haykalka dawladd-nimo iyo dhismaha Jamhuuriyadda Jabuuti isla markaana uu taariikhda labadda qaran-ba baal dahab ah ka geli doono. Waxanna uu qoyskii marxuumka, asxaabtiisi iyo guud ahaan shacabka Jabuuti ka tacsiyadeeyay geeridda Alle haw naxariiste Barkat.

 
“Rabi ha u naxariistee marxuumku wuxu door laxaadle ka ciyaaray howlihii dib u heshiisiinta Shacabka Soomaaliyeed, sidoo kale wuxu aasaas iyo astaan qurux badan u ahaa horumarka Jamhuuriyadda Jabuuti gaartay; ehelkiisii, shacabka dalkaasi ee aynu walaalaha nahay iyo guud ahaan asxaabtiisiiba waannu ka tacsiyadayna geerida ku timi marxuum Barkat Gourad” ayuu yidhi R/w xigeenka Soomaaliya Md Mahdi.

Marxuum Barkat Gourad Hamadou ayaa Raiisul Wasaare kasoo noqday Jabuuti intii u dhaxeysay 1978-dii – 2001dii.
Did you like this? Share it:

LEAVE A REPLY

Please enter your comment!
Please enter your name here