Ra’iisul wasaaraha oo kulan deg deg ah la qaatay Haya’daha amniga “SAWIRRO”

Ra’iisul wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharma’arke ayaa caawa kulan deg deg ah la qaatay Wasiirada Amniga gudaha, Gaaashaandhigga, Taliyeyaasha ciidamada Nabad sugidda Qaranka iyo Booliska, guddoomiye ku-xigeenka dhanka amniga ee gobolka banaadir iyo saraakiil kale, kaasi oo looga hadlayay weerarkii maleeshiyaad ka tirsan UGUS ay ku qaaday Hoteelada Siyaad iyo Wehliye ee Muqdisho.

Ra’iisul wasaare Cumar Cabdirashiid ayaa warbixin ka dhageystay Taliyeyaasha ciidamada Booliska Jeneraal Maxamed Sheekh Xasan Xaamud iyo Taliyaha Hay’adda Nabad Sugidda iyo Sirdoonka Qaranka Sareeyo Guuto Cabdiraxmaan Maxamed Tuuryare, kuwaasi oo sharaxaad ka bixiyay sida ay ciidamada amniga ugu guuleysteen inay soo badbaadiyaan dadkii ku xanibnaa hoteelladii ay weerarka ku qaadeen maleeshiyaadka Al-Shabaab, iyagoo dilay dhamaan kooxihii weerarka soo qaaday.

Wasiirka amiga gudaha Mudane Cabdirisaaq Cumar Maxamed ayaa isna Ra’iisul wasaaraha u sheegay in kooxaha weerarka ku soo qaaday Hotelka Siyaad ay tiradoodu gaareysay shan nin oo ay gebi ahaanba ay ciidamadu toogasho ku dileen, marka laga reebo kuwa isku qarxiyay ilinka hore ee hotelka, waxaana uu xusay in saddex qof oo shacab ah ay dhaawacyo ka soo gaartay weerarka.

“Weerarka Kooxda UGUS ay ku soo qaaday halkan uma suurtoobin oo ah inay waxyeelaan dad saa’imiin ah, Hotelka Wehliye 7 qof ayaa soo gashay, dhaaman ciidamada ayaa toogtay, sidaas oo kale Hotelka Siyaad shan ayaa soo gashay oo labo ka mid ah ay is qarxiyeen saddexda kale ciidanka ayaa toogtay, waxaana uu dhaawac fudud soo gaaray dad shacab ah, ciidamaduna way ku mahadsanyihiin howsha ay qabteen” ayuu yiri Wasiirka amhiga gudaha.

Wasiirka ayaa xusay in amniga uu suganyahay shacabkuna ay is dajiyaan, oo ay la shaqeeyaan hay’adaha amniga, isagoo markale baaq u jeediyay maleeshiyaadka ay qaldeen kooxda Shabaab

vlcsnap-2015-07-11-01h44m26s65 vlcsnap-2015-07-11-01h44m10s153 vlcsnap-2015-07-11-01h43m53s231 vlcsnap-2015-07-11-01h43m32s38 vlcsnap-2015-07-11-01h43m19s168 vlcsnap-2015-07-11-01h43m06s28 vlcsnap-2015-07-11-01h42m50s118 vlcsnap-2015-07-11-01h42m33s197 vlcsnap-2015-07-11-01h42m16s49 vlcsnap-2015-07-11-01h41m58s113 vlcsnap-2015-07-11-01h41m30s71 vlcsnap-2015-07-11-01h41m10s144

vlcsnap-2015-07-11-01h40m25s208 vlcsnap-2015-07-11-01h40m05s252 vlcsnap-2015-07-11-01h39m21s76  vlcsnap-2015-07-11-01h31m13s55 vlcsnap-2015-07-11-01h30m56s131 vlcsnap-2015-07-11-01h38m47s210 vlcsnap-2015-07-11-01h30m37s203 vlcsnap-2015-07-11-01h29m49s233 vlcsnap-2015-07-11-01h29m27s13

vlcsnap-2015-07-11-01h47m32s98 vlcsnap-2015-07-11-01h47m07s125 vlcsnap-2015-07-11-01h46m53s227 vlcsnap-2015-07-11-01h45m54s165 vlcsnap-2015-07-11-01h45m34s201

 

 

LEAVE A REPLY

Please enter your comment!
Please enter your name here