Ra’iisul wasaaraha Soomaaliya oo gaaray Doha Qadar halkaa oo sidiiran loogu soo dhaweeyay

1173

Doha, 17 March….Ra’iisul wasaaraha Xukuumadda Federaalka Soomaaliya, Mudane Cumar C/rashiid Cali iyo xubno wasiirro ah oo uu hoggaaminayo, ayaa soo gaaray magaalada Doha ee xaruta waddanka Qadar, halkaas oo ay si weyn ugu soo dhoweeyeen masuuliyiin ka tirsan dowladda Qadar iyo madaxda safaaradda Soomaaliya ee dalkaasi.

Wefdiga Ra’iisul wasaaraha Soomaaliya ee Doha gaaray waxaa ka mid ah, wasiirka Arrimaha Dibedda, Wasiirka Qorsheynta, Wasiirka Caafmaadka iyo Wasiirka Gaadiidka iyo Duulista Hawada, Ra’iisul wasaare Cumar C/rashiid, ayaa lagu wadaa in maailnta berito ah uu la kulmo dhiggiisa dalka Qatar, si ay uga arrinsadaan xaaladda labada dal, xiriirka ka dhaxeeya iyo sida ay dowladda Qadar  uga qeyb-qaadan karto dib u dhiska waddanka Soomaaliya oo horumar wanaagsan uu ka socdo.
Wasiirrada Ra’iisul wasaaraha socdaalkiisa ku wehliya, ayaa heshiisyo la saxiixan doona wasaaradaha dhiggooda ah ee dalka Qadar.
Booqashada Ra’iisul wasaaraha ayaa qaadan doonta muddo sadex maalmood ah, iyadoo inta uu Doha joogana u la kulmi doono Soomalida waddanka ku sugan.
    ______DHAMMAAD___
Did you like this? Share it:

LEAVE A REPLY

Please enter your comment!
Please enter your name here