Ra’iisul Wasaaraha XFS oo kormeeray Xarunta Wasaaradda Warfaafinta.

1005

Ra’iisul wasaaraha Xukuumadda Federaalka Soomaaliya Mudane Xasan Cali Khayre ayaa maanta kormeer shaqo ku yimid xarunta Wasaaradda Warfaafinta, Dhaqanka iyo Dalxiiska oo ay ka socdeen mashaariic lagu ballaarinayo Warbaahinta Qaranka kaasoo ay hirgilisay Dowladda Soomaaliya.

Mudane Xasan Cali Khayre waxaa ku wehliyey kormeerkiisa wasiirka Warfaafina, Dhaqanka iyo Dalxiiska mudane Daahir Maxamuud Geelle oo warbixin ka siiyey Ra’iisul wasaaraha mudada uu joogo howlaha mashaariicda ee hirgalay oo ay ka mid tahay ballaarinta maqalka Idaacadda Radio Muqdisho.

Sidoo kale Ra’iisul wasaare Khayre ayaa kormeeray qeybta Telefishinka Qaranka oo dib u habeyn ballaaran lagu sameeyey Istuudiyeyaasha uu ku shaqeeyo, noocyada dhismaha Istuudiyeyaashaas.

Ra’iisul wasaare Khayre ayaa boggaadiyey isbaddelka ka socda wasaaradda gaar ahaan Warbaahinta Dowladda, waxa uu ku dhiirogaliyey wasiirka dedaalka uu sameeyey mudada yar ee uu joogo, una sheegay in uu xoogga saaro arrimaha Wacyigelinta Bulshada, isku xirka shacabka iyo dowladda iyo sidoo kale in horumarka dalka laga hadlo.

Did you like this? Share it:

LEAVE A REPLY

Please enter your comment!
Please enter your name here