Ra’iisul wasaare Cabdiweli oo cambaareeyay weerarkii ugu dambeeya ee ka dhacay Mandera

0
919

Ra’iisul wasaaraha Xukuumadda Soomaaliya mudane Cabdiweli Sheekh Axmed Maxamed ayaa maanta si kulul u cambaareeyay wareerarkii ugu dambeeyay ee la geystay Kenya, ee lagu dilay 36 ka mid ah shaqaale ka shaqeyneyay meel kaawada laga qodo.

War-saxaafadeed ka soo baxay Xafiiska Ra’iisul wasaaraha ayaa lagu yiri “Markale waxaan u damqanayaa qoysaskii, saaxiibadii iyo asaxaabtii lagu dilay magaalada Mandera Gobolka Waqooyi Bari ee dalka Kenya” ayuu yiri Ra’iisul wasaare Cabdiwelii

“Waxaan tacsi u dirayaa dhamaan shacabka reer Kenya, waxaana idinla wadaagaynaa murugada, haddii aan isku duuban-nahay waxa ay naga dhigeysaa in aan awood yeelanyo, oo aan ka hortagno falalka argagixisonimo ee ay maleegayaan kooxaha argagaxisada ah” ayuu Ra’iisul wasaaruhu hadalkiisa ku daray.

Ugu dambeyn Ra’iisul wasaaraha ayaa yiri “Soomaaliya iyo Kenya waxaa ka go’an in ay xoojiyaan la dagaalanka argagixisada, badbaadinta nolosha muwaadiniinta, isla markaana aan ahmiyad koowaad iska saarno arrintan, waxaan ciidamada milateriga iyo saraakiisha hay’adaha amniga ku boorinayaa in ay sameeyaan howlgallo lagula ka dhan ah argagixisada, si meesha looga saaro dhibaatada lagu hayo shacabka labada dal”.

 

Did you like this? Share it:

LEAVE A REPLY

Please enter your comment!
Please enter your name here