Ra’iisul Wasaare Khayre Oo La Kulmay Ergo Ka Socota Ururka Iskaashiga Islaamka, Masar, Kenya Iyo Bangiga Adduunka

Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre ayaa magaalada Muqdisho kula kulmay ergo ka socota dalalka Masar iyo Kenya, Bangiga adduunka iyo ururka iskaashiga Islaamka oo Soomaaliya ay xubin ka tahay.

Ergada oo dalka u yimid ka qayb galka shirka madasha caalamiga ah ee iskaashiga Soomaaliya oo maanta ka furmay magaalada Muqdisho, ayaa bogaadiyay horumarka la taaban karo ee Soomaaliya ay ku tillaabsaneyso.

Ra’iisul Wasaare Xasan Cali Khayre ayaa ergada uga mahadceliyay kasoo qayb galkooda shirka madasha caalamiga ah ee Soomaaliya oo ah kii ugu horreeyay ee dalka gudihiisa lagu qabto.

 

 

LEAVE A REPLY

Please enter your comment!
Please enter your name here