Ra’iisul Wasaare Khayre oo soo gaba gabeyey la xisaabtanka sanadlaha ah ee Wasiirada “SAWIRRO”

55

Ra’iisul Wasaaraha Xukuummadda Federaalka Soomaaliya Mudane Xasan Cali Khayre ayaa maanta soo gaba gabeeyey wajiga  labaad ee Barnaamijka  uu kula xisaabtayey xubnaha Golaha Wasiirada  ee sannadlaha ah si loo qiimeeyo hawlaha Wasaaradaha uga hir-galay qorshayaashii u degsanaa ee ay ahayd in ay fuliyaan.

 

Wasiiradda maanta Ra’iisul Wasare Khayre uu shaqsi shaqsiga ula xisabtamay ayaa kala ah, wasiirKa Dhalinyarada iyo Ciyaaraha, Wasiirka  Shaqada iyo Arrimaha bulshadda, Wasiirka  Xanaanada Xoolaha, Wasiirka Boostada iyo Isgaarsiinta, Wasiirka Amniga, iyo Wasiirka  Ganacsiga iyo Warshadaha  , isagoo  Wasiir kasta  oo kamid ah lasoo hor-dhigay qorshayaashii lagu ballamay in uu fuliyo, iyada oo Wasiirada ku cusub Xukuummadda uu Ra’iisul Wasaaruhu kala hadlay diyaarinta qorshe hawleedkooda.

Wasiirrada ayaa  Ra’iisul Wasaaraha usoo bandhigay waxyabaha u qabsoomay  iyo qorshe hawleedkooda oo qoran si isla xisaabtanka sannadka xiga loogu qiimeeyo wixii uga qabsoomay.

Wasiiru dowlaha Xafiiska Ra’iisul Wasaraha Xukumada Federaalka Soomaaliya Mudane Cabdullahi Xaamud ayaa  warbaahinta Qaranka u sheegay in isla xisaabtanku uusan ku ekayn kaliya Wasiirada balse cid kasta lala xisaabtami doono  oo dowladda mas’uuliyad u haysa.

Ra’iisul wasaaraha ayaa sannadkii hore sidaan oo kale mid mid ula fariistay Wasiirrada si ay isula ogaadaan qorshe hawleedka Wasaarad waliba si loogu korjoogteeyo, waxa uuna isla-xisaabtankaani qayb ka yahay howlaha kor-joogtaynta iyo dabagalka lagula socdo shaqooyinka Wasaaradaha si looga mira dhaliyo qorshaha Xukuummadda ee ku salaysan isla xisaabtan, Hufnaan iyo Daah-furnaan.

 

Nasra Bashir Cali

Did you like this? Share it:

LEAVE A REPLY

Please enter your comment!
Please enter your name here