Ra’iisul wasaare Kheyre oo caawa booqdey dhaawacyada Qaraxii Muqdisho ka dhacay

Ra’iisul wasaaraha Soomaaliya oo ay wehliyaan saraakiisha ciidammada ayaa caawa booqdey Isbitaalladii la geeyey dhaawacyadii ka dhashay qaraxii ka dhacay magaalada Muqdisho.

Isbitaallada Ra’iisul wasaaraha Soomaaliya Xasan Cali Kheyre booqdey  ayaa kala ah Madiina iyo Erdogan oo la geeyey dadkii ku dhaawacmay Qarax ka dhacay agagaarka Taallada Xaawa Taako ee magaalada Muqdisho, kaas oo ay ku dhinteen Shan Qof dad kalena ay ku dhaawacmeen, Ra’iisul wasaaraha ayaa mid mid u booqdey bukaannada, Isla markaana warbixinno ka dhageystay dhaqaatiirta Isbitaallada uu booqdey caawa.

Dhinaca kael Ra’iisul wasaaraha, ayaa sheegay  Xukuumaddiisa marka ay si toos ah u howlgasho ay bilaabi doonto dagaalkii lagu soo afraji lahaa kooxda  Al-Shabaab.

Ra’iisul wasaare Xasan Cali Kheyre, ayaa sheegay in uu magcaabay guddiga isugu jira dhaqatiir iyo Culimo oo soo baara bukaannada xaaladooda caafimaad aan dalka waxba looga qaban karin, si dadkaasi ay u helaan adeeg caafimaad  oo dibedda ah, maadaama Xukuumaddu ay waajib ku tahay xuquuqda muwaadiniinta Soomaaliyeed ay ku leeyihiin dowladda.

 

 

Did you like this? Share it:

LEAVE A REPLY

Please enter your comment!
Please enter your name here